మహేష్ కు షాక్ ఇచ్చిన సల్మాన్ ఖాన్

By Srikanya

Published: Monday, November 21, 2011, 7:43 [IST]

మహేష్ బాబు దూకుడు చిత్రాన్ని సల్మాన్ ఖాన్ రీమేక్ చేస్తున్నారంటూ రిలీజైన నాటినుంచీ వార్తలు వచ్చిన సంగతి తెలిసిందే.మహేష్ సైతం ఓ ఇంటర్వూలో ఈ విషయాన్ని ప్రస్తావించారు.అలాగే దర్శకుడు శ్రీను వైట్ల తానే ఈ చిత్రాన్ని హిందీలో డైరక్ట్ చేసే అవకాశముందని చెప్పుకొచ్చారు.అయితే ఇవన్నీ ఇప్పుడు వర్కవుట్ కావని తేలిపోయాయి.ఎందుకంటే సల్మాన్ ఖాన్ తాను దూకుడు చేయనని క్లియర్ గా చెప్పటం జరిగిందిట.తాను ఇప్పుడు దబాంగ్ 2 చిత్రం చేస్తున్నానని,మళ్లీ మరో పోలీస్ కథ చేసే అవకాశం లేదని బాలీవుడ్ మీడియాతో అనటంతో ఈ విషయం వెళ్లడయింది.అయితే పోకిరిలాగానే ఈ చిత్రాన్ని సల్మాన్ చేస్తాడని నమ్మిన మహేష్ బాబు ఈ విషయంతో షాక్ అయ్యారట.ఎందుకంటే హిందీ వెర్షన్ మొత్తం తన భార్య చూసుకునేలా ప్లాన్ చేసారట.

అయితే ఇప్పుడు సల్మాన్ చేతులెత్తేయటంతో ఈ సినిమాని రీమేక్ చేయాలంటే మరో హీరోని చూడాలి.అక్షయ్ కుమార్ తో చేద్దామంటే అతను పూర్తి బిజీగా ఉన్నాడు.అందులోనూ అతను కూడా విక్రమార్కుడు రీమేక్ చేస్తున్నాడు.రౌడీ రాధోడ్ టైటిల్ తో తెరకెక్కే ఈ చిత్రంలోనూ హీరో పోలీస్ అధికారిగా కనపిస్తాడు.దాంతో తాను కూడా వెంటనే మరో పోలీస్ పాత్రను చేయడని తెలుస్తోంది.అయితే దూకుడుని చేసే హిందీ హీరో ఎవరు..అదీ కూడా మహేష్ స్ధాయిలో కామిడీ పండించే వాడు కావాలి,అలాగని మరో కామిడీ హీరో కాకూడని వెతుకుతున్నారని టాక్.

More from Filmibeat