For Quick Alerts
    ALLOW NOTIFICATIONS  
    For Daily Alerts

    హిందీ 'కిక్‌' లో ఇలియానా పాత్ర ఎవరు చేస్తున్నారంటే...

    By Srikanya
    |

    హైదారాబాద్ : రవితేజ సూపర్ హిట్ 'కిక్‌'లో ఇలియానా పాత్ర గుర్తుండే ఉండి ఉంటుంది. హీరోతో పాటు ఆ పాత్ర కూడా ప్రేక్షకులను బాగా ఆకట్టుకుంది. ఆమె అందచందాలు తెలుగు ప్రేక్షకుల్ని ఆకట్టుకొన్నాయి. ఇప్పుడా చిత్రం హిందీలో పునర్నిర్మితం కాబోతోంది.

    సల్మాన్‌ఖాన్‌ హీరోగా చేస్తున్న ఈ చిత్రానికి సాజిద్‌ నదియడ్‌వాలా దర్శకత్వం వహించబోతున్నారు. ఇక్కడ ఇలియానా పోషించిన పాత్రకు శ్రీలంక సుందరి జాక్వెలైన్‌ ఫెర్నాండెజ్‌ని ఎంపిక చేసుకొన్నారు.

    తొలుత ఆ పాత్ర ఇలియానాకే దక్కుతుందనుకొన్నారు. కానీ జాక్వెలైన్‌ వశమైంది. జులై 24 నుంచి ఆమె ఆ సినిమా షూటింగ్ లో పాల్గొనబోతోంది. 'హౌస్‌ఫుల్‌', 'రేస్‌ 2' లాంటి చిత్రాలతో విజయాలు అందుకొంది జాక్వెలైన్‌. ప్రస్తుతం ఆమె చేతిలో నాలుగు చిత్రాలున్నాయి.

    ఇక ఈ చిత్రానికి సుప్రసిద్ధ భారతీయ ఆంగ్ల రచయిత ఛేతన్ భగత్ స్రీన్ ప్లే రాయిస్తున్నారు. ఈ చిత్రం స్క్రిప్టు గురించి చేతన్ భగత్ మాట్లాడుతూ... సల్లూభాయ్ అభిమానులకు 'కిక్'ఇచ్చే స్క్రిప్ట్ రాస్తున్నానని చెబుతున్నాడు . ఇక చిత్ర కథ గురించి చెబుతూ.. కిక్కు కోసం ఏదైనా చేసే ఓ యువకుడి పాత్రలో సల్మాన్‌ఖాన్ కనిపించనున్నారు. అలాంటి హీరో ఇమేజ్‌ను మరింత పెంచేలా స్క్రిప్ట్ ఉండాలి అన్నారు.

    English summary
    Kick, directed by Sajid Nadiadwala, is an action film. "It is true Jacqueline is doing the film," Nadiadwala, who is making his directorial debut with the film, said. Kick is remake of a 2009 Telugu hit of the same name. It goes on the floors in July and is expected to hit the theatres in Eid next year.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X