Don't Miss!
- News ముగిసిన నామినేషన్ల పర్వం: బండి సంజయ్ సహా చివరి రోజు నామినేషన్లు వేసింది వీరే
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ట్యూబ్లైట్ ఫెయిల్ అయితే పండుగ చేసుకొన్నారు.. వారంటే నాకు అసహ్యం.. సల్మాన్
బాలీవుడ్ సూపర్స్టార్ సల్మాన్ఖాన్ నటించిన ట్యూబ్లైట్ చిత్రం దారుణమైన పరాజయాన్ని మూటగట్టుకొన్నది. ట్యూబ్లైట్ చిత్రం కమర్షియల్ హంగులకు దూరంగా ఉండటంతో సల్లూభాయ్ ఫ్యాన్స్ తీవ్ర నిరాశకు గురయ్యారు.
బాలీవుడ్ సూపర్స్టార్ సల్మాన్ఖాన్ నటించిన ట్యూబ్లైట్ చిత్రం దారుణమైన పరాజయాన్ని మూటగట్టుకొన్నది. ట్యూబ్లైట్ చిత్రం కమర్షియల్ హంగులకు దూరంగా ఉండటంతో సల్లూభాయ్ ఫ్యాన్స్ తీవ్ర నిరాశకు గురయ్యారు. దాంతో సల్మాన్ కెరీర్లోనే అత్యంత దారుణమైన ఫ్లాప్గా ట్యూబ్లైట్ మిగిలింది. ఇటీవల ఓ జాతీయ మ్యాగజైన్కు ఇచ్చిన ఇంటర్వ్యూలో సల్మాన్ఖాన్ మాట్లాడుతూ ట్యూబ్లైట్ ఫ్లాప్ అయినందుకు కొందరు పండుగ చేసుకొన్నారనే షాకింగ్ విషయాలను వెల్లడించారు.
ప్రతీ సినిమాకు సత్తాను నిరూపించుకోవాలి..
ప్రస్తుతం టెక్నాలజీ వినియోగం పెరిగిపోవడంతో శారీరక, మానసిక అంశాలపై ప్రజలందికీ భారీగా అవగాహన కలుగుతున్నది. చాలా రంగాలకు చెందిన నిపుణులు పలు అంశాలతో మనకు మార్గదర్శకంగా నిలుస్తున్నారు. దాంతో మనల్ని కొత్తగా ఆవిష్కరించుకొనేందుకు వీలు కలుగుతున్నది. ఒక సినిమా తర్వాత మరో సినిమాకు నీ సత్తాను నిరూపించుకోవాల్సి వస్తున్నది.
Recommended Video
ఆ రోజుల్లో ఇలాగా శ్రమ పడాల్సిన అవసరం లేదు
శరీరాన్ని కాపాడుకోవడానికి వ్యక్తిగతంగా శిక్షకులను, డైటీషియన్లను నియమించుకోవాల్సి వస్తున్నది. గతంలో హీరోలకు ఇన్ని రకాల పనులను చేయాల్సిన అవసరం లేకపోయింది. ఆ రోజుల్లో పరాటాలు, చపాతీలు తింటే సరిపోయేది.
గైడెన్స్ ఇచ్చే సీనియర్ నటులు లేరు
ఆరోగ్యాన్ని ఎలా చక్కబెట్టుకోవాలనే అంశాన్ని సీనియర్ నటులను చూస్తే సరిపోతుంది. ప్రస్తుతం అలా గైడెన్స్ ఇచ్చే నటులే మన చుట్టుపక్కల కనిపించరు. ఫిట్నెస్ గురించి నేను, అక్షయ్ కుమార్ చాలా శ్రద్ధ తీసుకొంటాం. ఆరోగ్య సంరక్షణ గురించి మేము ఎన్నో నేర్చుకొన్నాం.
సూపర్ స్టార్లుగా కావాలని కలకనే వాళ్లం..
సినీ పరిశ్రమలోకి ప్రవేశించిన తొలినాళ్లలో జాకీ ష్రాఫ్, సంజయ్ దత్ సూపర్ స్టార్లు. అంత పెద్ద నటులను చూసి మేము కూడా ఆ స్థాయికి చేరుకోవాలనే కలలు కనేవాళ్లం. ఎప్పుడైనా ఆ స్థాయికి చేరుకొంటామా అని భయపడేవాళ్లం.
ఫిట్నెస్పై శ్రద్ధ పెట్టేవాళ్లం
మేము యంగ్ హీరోలుగా ఉన్నప్పుడు సన్నీడియోల్ శరీరాన్ని దృఢత్వంపై ఆయన ఎక్కువ దృష్టిపెట్టేవాళ్లు. ఆయనకు మంచి ఫాలోయింగ్ ఉండేది. ఆ సమయంలో నా సినిమాలు ఫ్లాప్ కావడంతో ఆందోళన చెందే వాడిని. నా కెరీర్ విషయంలో నేను ఇంకా ఏదో చేయాలని అప్పుడు అనిపించింది. ఫిట్నెస్ విషయంలో సన్నీ, సంజయ్లను ఆదర్శంగా తీసుకొన్నాను. ఆ తర్వాత జీత్, సాజన్ అనే చిత్రాలు విజయాన్ని అందించాయి.
సినిమాలు ఆడకపోతే భయం ఉంటుంది..
సినిమాలు ఆడకపోతే నేను చాలా ఆందోళన చెందుతాను. చాలా మంది డబ్బులు పోతాయనే భయం వెంటాడుతూ ఉంటుంది. అందుకే మంచి సినిమాలు చేయాలనే తపనతో ఉంటాను. అందుకే ప్రత్యేకమైన శ్రద్ధ తీసుకొంటాను. ఒక సినిమా తర్వాత మరో సినిమా చేస్తున్నప్పుడు చాలా ఒత్తిడి పెరిగిపోతుంది. మూడు నాలుగు సినిమాలు పోయాయంటే పరిశ్రమ నుంచి నువ్వు అవుట్ అనే భయం ఉంటుంది. ఆ విషయం పరిశ్రమ వర్గాలను నిరుత్సాహానికి గురిచేస్తుంది.
ట్యూబ్లైట్ ఫెయిల్ అయితే పండుగ చేసుకొన్నారు..
కొందరి హీరోల సినిమాలు పరాజయం పొందితే చాలా మంది పండుగ చేసుకొంటారు. హిట్లు వస్తే వారు సహించలేరు. వీడేంది.. సక్సెస్తో ఎగిసిపడుతున్నాడు. భగవంతుడు అన్నీ చూసుకొంటాడులే అని వ్యాఖ్యలు చేస్తుంటారు. ఒకరి సినిమాలు ఆడోద్దని కోరుకునే వాళ్లను చూస్తే నాకు అసహ్యం వేస్తుంది. ట్యూబ్లైట్ సినిమా ఫెయిల్ అయినందుకు ఆనందంలో ఎగిరి గంతేసిన వాళ్లు నాకు తెలుసు.
సినిమా ఫెయిల్ అయితే అందరికీ నష్టం
ఒక సినిమా ఫెయిల్ అయితే ఎందరికి నష్టమో వారికి తెలియదు. నా సినిమా ఫెయిల్ అయితే నాకు ఒక్కడికే నష్టం కాదు. చిత్ర యూనిట్ సభ్యులు, వారి ఫ్యామిలీ, పంపిణీదారులు, థియేటర్ ఓనర్లు, అభిమానులకు చాలా నష్టం జరుగుతుంది. ఇలాంటి దృష్టిలో పెట్టుకొని సినిమాలు ఫెయిల్ కావొద్దని కోరుకోవద్దు అని సల్మాన్ ఆవేదన వ్యక్తం చేశారు.