Don't Miss!
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- News రేవంత్కు అందుకే నాపై కక్ష: కాళేశ్వరం, కవిత అరెస్టుపై కేసీఆర్ కీలక వ్యాఖ్యలు
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
కాదనను.. కానీ!, సమంత ఎమోషనల్.. ఏడేళ్లయినా వెంటాడుతోంది..
విజయశాంతి తన కెరీర్లో ఎన్ని చిత్రాలు చేసినా.. 'రాములమ్మ' పాత్రనే జనం ఎక్కువగా గుర్తుంచుకున్నారు. అలాగే అనుష్క ఎన్ని చిత్రాల్లో నటించినా.. ఆమె కెరీర్లో 'జేజమ్మ' పాత్ర ఎప్పటికీ స్పెషలే. ఇలా ప్రతీ హీరో, హీరోయిన్ కెరీర్ లో కొన్ని గుర్తుండిపోయే పాత్రలు ప్రేక్షకులను ఎప్పుడూ వెంటాడుతుంటాయి.
హీరోయిన్ సమంత కెరీర్ లోను అలా గుర్తుండిపోయే పాత్ర జెస్సీ. ఏం మాయ చేశావె సినిమాలో జెస్సీ పాత్రలో ఆమె చేసిన మాయ చాలామంది అభిమానుల కళ్ల ముందు ఇప్పటికీ కదలాడుతూనే ఉంది. అయితే ఆ పాత్రపై అభిమానులు చూపిస్తున్న అభిమానం తనను సందిగ్ధంలో పడేసింది అంటున్నారు సమంత. ఇంతకీ ఏంటా సందిగ్ధం..
సమంత ఇంటరాక్షన్:
సోషల్ మీడియాలో సమంత అభిమానులతో తరుచుగా ఇంటరాక్ట్ అవుతుంటారు. వాళ్లడిగే ప్రశ్నలకు.. ఇచ్చే సూచనలకు పాజిటివ్ గా స్పందిస్తూ వారిని ఆకట్టుకునే ప్రయత్నం చేస్తారు. ఇదే తరహాలో ఇటీవల మరోసారి ఆమె అభిమానులతో ఇంటరాక్ట్ అయ్యారు. ఈ సందర్భంగా వాళ్లు ప్రస్తావించిన కొన్ని విషయాలు ఆమెకు సంతోషాన్ని, అదే సమయంలో బాధనూ కలిగించాయట.
కాదనను.. కానీ!:
సమంత అభిమానులు ఏం మాయ చేశావె గురించి ప్రస్తావించడంతో ఆమెకు ఏం మాట్లాడాలో తెలియలేదు. 'ఏడేళ్ల క్రితం చేసిన ఆ సినిమా నాకు వెరీ వెరీ స్పెషల్, కాదనను. కానీ ఆ తర్వాత నేను ఎన్నో సినిమాల్లో మంచి పాత్రలు చేశాను. ఎందుకు ఆ సినిమా గురించే పదే పదే మాట్లాడుతున్నారు.' అంటూ భావోద్వేగంతో వాపోయారు సమంత.
ఆనందించాలా?.. బాధపడాలా?:
ఏడేళ్ల క్రితం చేసిన సినిమా గురించి ఇప్పటికీ మాట్లాడుతున్నారంటే ఓవైపు ఆనందంగానే ఉందని.. అయితే ఆ తర్వాత చేసిన సినిమాల గురించి మాట్లాడట్లేదంటే.. అందులో నేనంత బాగా యాక్ట్ చేయలేదా? అని సమంత ఆవేదన చెందుతున్నారట.
'జెస్సీ' వెంటాడుతోంది?:
సమంత చెప్పినట్లు 'ఏం మాయ చేశావె' సినిమా అటు సమంత, ఇటు నాగచైతన్య కెరీర్లో వెరీ వెరీ స్పెషలే. జెస్సీ పాత్రలో అభిమానులు ఆమెనూ అంతగా ఓన్ చేసుకున్నారు.
కాబట్టే.. సమంత అంటే వాళ్లకు ఇప్పటికీ జెస్సీని గుర్తొస్తుంది. జెస్సీని మరిపించే మరేదైనా పాత్ర చేస్తే తప్పితే.. ఇప్పట్లో సమంత ఆ ముద్ర నుంచి బయటపడటం కష్టమే. అప్పటిదాకా అభిమానులు 'జెస్సీ'ని గుర్తు చేస్తూనే ఉంటారు.
వరుస సినిమాలు:
ప్రస్తుతం సమంత చేస్తున్న మూడు సినిమాలు వచ్చే ఏడాది వరుసగా విడుదలకు సిద్దమయ్యాయి. ఇందులో తమిళ చిత్రం 'ఇరుంబుదరై' జనవరి 26న, తెలుగులో చేస్తున్న 'మహానటి' మార్చి 29న, రాంచరణ్ 'రంగస్థలం' మార్చి 30న విడుదలకు సిద్దమవుతున్నాయి. మూడు నెలల వ్యవధిలో సమంత మూడు సినిమాలు విడుదలకు సిద్దమవుతుండటంతో అభిమానులు సంబరపడిపోతున్నారు.