Don't Miss!
- Sports సర్ఫరాజ్, ధ్రువ్కు బీసీసీఐ బంపర్ ఆఫర్
- Finance IT News: CEO మైండ్ బ్లాంక్ చేసిన IT ఉద్యోగి.. నెట్టింట పోస్ట్ వైరల్.. ఆ ఒక్క మాటతో..
- News తెలంగాణా కాంగ్రెస్ అభ్యర్థుల ఖరారు నేడే: కాంగ్రెస్ సిఈసి భేటీకి సీఎం రేవంత్ రెడ్డి!!
- Lifestyle మీ బాయ్ఫ్రెండ్/గర్ల్ఫ్రెండ్లో ఈ మార్పులు ఉంటే మిమ్మల్ని చీట్ చేయడానికి పన్నాగం పడుతున్నారని అర్థం జాగ్రత్త
- Technology గూగుల్ క్రోమ్ భద్రత కోసం సరికొత్త ఫీచర్.. వెబ్సైట్లోకి వెళ్లగానే మాల్వేర్ అటాక్లపై అప్రమత్తం చేస్తుంది!
- Automobiles రైలు కదిలేముందు జర్క్ ఎందుకు ఇస్తుంది.??.. ఆసక్తికర విషయాలివే.!!
- Travel హోలీ సందర్భంగా దేశంలోని ఈ ప్రదేశాలను చుట్టేయండి..!
టాలీవుడ్లో లైంగిక దాడులపై ఉక్కుపాదం... సమంత చేతికి కొత్త బాధ్యతలు
Recommended Video
మీ టూ ఉద్యమం జోరందుకొంటున్న నేపథ్యంలో మహిళా తారలపై దాడులను అరికట్టేందుకు సినీ పరిశ్రమలు రంగంలోకి దిగుతున్నాయి. ఇప్పటికే మలయాళ చిత్ర పరిశ్రమ ఉమెన్ ఇన్ సినిమా కలెక్టివ్ అనే సంస్థను ప్రారంభించింది. ఇక టాలీవుడ్ కూడా ఓ విభాగాన్ని ఆరంభించేందుకు ప్రయత్నాలు ముమ్మరం చేసింది. ఈ విభాగం టాలీవుడ్లో మహిళ భద్రత కోసం జాగ్రత్తలు తీసుకొంటుంది.
టాలీవుడ్లో కమిటీకి ఏర్పాట్లు
దేశవ్యాప్తంగా పలువురు హీరోయిన్లు తమకు జరిగిన అన్యాయాన్ని ఎలుగెత్తుతున్న నేపథ్యంలో హైదరాబాద్లో తెలుగు సినిమా పరిశ్రమకు సంబంధించిన నటీనటులు, సాంకేతిక నిపుణులు, నిర్మాతలు, దర్శకులు ప్రత్యేకంగా హాజరయ్యారు. మహిళలపై దాడులు జరుగకుండా చర్యలు తీసుకొనే అంశంపై ప్రత్యేకంగా చర్చించారు.
సమంత అక్కినేని చేతికి పగ్గాలు
టాలీవుడ్లో మహిళల సంరక్షణ కోసం ఏర్పాటు చేసే విభాగానికి సమంత అక్కినేని అధ్యక్షురాలిగా నియమించాలని నిర్ణయం తీసుకొన్నట్టు సమాచారం. త్వరలోనే అధికారికంగా ప్రకటించే అవకాశం ఉంది. ఈ కమిటీకి వాయిస్ ఆఫ్ ఉమెన్ అనే పేరుపెట్టినట్టు సమాచారం.
హైదరాబాద్లో సమావేశం
హైదరాబాద్లో జరిగిన సమావేశంలో మహిళా తారలు, నిర్మాత, దర్శకులు సినిమా పరిశ్రమలో చోటచేసుకొంటున్న లైంగిక వేధింపులు, దాడులు, దుష్ప్రవర్తన లాంటి అంశాలను చర్చించినట్టు తెలిసింది. రామానాయుడు స్టూడియోలో శాశ్వత విభాగాన్ని ఏర్పాటు చేసే అవకాశం ఉంది.
అమల అక్కినేని, ఝాన్సీకి చోటు
వాయిస్ ఆఫ్ ఉమెన్ కమిటీలో పలువురు మహిళా సినీ ప్రముఖులు భాగస్వామ్యం పంచుకోబోతున్నారు. దీనిలో అమల అక్కినేని, ఝాన్సీ, సమంత కీలక బాధ్యతలను చేపట్టబోతున్నారు. ఇందులో మరికొందరికి అవకాశం కూడా కల్పించే ఛాన్స్ ఉంది.