Don't Miss!
- News ఎమ్మెల్యే రాజా సింగ్ పై కేసు నమోదు
- Sports PBKS vs MI: రోహిత్ శర్మ ట్రేడ్ మార్క్ సిక్సర్.. హార్దిక్ రియాక్షన్ వైరల్! వీడియో
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
ప్రతీచోట నీచులుంటారు.. హీరోలను నిలదీసే దమ్ముందా? క్యాస్టింగ్ కౌచ్పై సమంత!
Recommended Video
వివాదాస్పద హీరోయిన్ శ్రీరెడ్డి వివాదం తెలుగు సినీ పరిశ్రమను కొద్ది నెలలుగా కుదిపేస్తున్నది. వేషాలు ఎరవేసి కొంతమంది సినీ ప్రముఖులు తనను శారీరకంగా చాలా మంది వాడుకొన్నారని ఆమె చేసిన వ్యాఖ్యలు సంచలనంగా మారాయి. ఈ వివాదం నేపథ్యంలో మూవీ ఆర్టిస్టు అసోసియేషన్ అనధికార నిషేధం విధించడంతో శ్రీరెడ్డి అర్థనగ్న ప్రదర్శన చేయడం మరింత సంచలనం రేపింది. ఈ నేపథ్యంలో క్యాస్టింగ్ కౌచ్ (వేషాల కోసం పడకగది)పై ప్రముఖ సినీ హీరోయిన్ సమంత అక్కినేని స్పందించారు. ప్రపంచవ్యాప్తంగా సంచలనంగా మారిన ఈ వివాదంపై ఆమె ఏమన్నారంటే..
ప్రతీ ఇండస్ట్రీలోనూ
క్యాస్టింగ్ కౌచ్ అనేది ఒక్క సినీ పరిశ్రమలోనే లేదు. ప్రతీ రంగంలోనూ ఉన్నది. ఈ అంశంపై వివరంగా నేనేమీ మాట్లాడబోను. అమ్మాయిల బలహీనతలను సొమ్ము చేసుకొనే నీచులు ప్రతీచోటా ఉన్నారు. నా తొలిసినిమా సూపర్ హిట్ కావడం వల్ల సినీ పరిశ్రమలో నిలదొక్కుకోవడానికి నేను అంతగా కష్టపడాల్సి రాలేదు. గత ఎనిమిదేళ్లుగా నేను తమిళ, తెలుగు పరిశ్రమల్లో పనిచేస్తున్నాను. నాకు అలాంటి అనుభవాలు ఎదురుకాలేదు.
అద్భుతమైన జీవితాన్ని
సినీ పరిశ్రమలో కేవలం చెడు మాత్రమే లేదు. చాలా మంచి విషయాలు కూడా ఉన్నాయి. నా కెరీర్లో నాకు అద్భుతమైన వ్యక్తులు తారసపడ్డారు. సినీ పరిశ్రమ నాకు అద్భుతమైన జీవితాన్ని ప్రసాదించింది. అందుకే నేను పెళ్లి తర్వాతే కాదు.. పిల్లలు పుట్టిన తర్వాత కూడా నటించాలని అనుకొంటున్నాను.
ప్రభుత్వ స్పందన భేష్
సినీ పరిశ్రమలో మహిళలకు జరుగుతున్న అన్యాయాలు, లైంగిక వేధింపులపై విచారించేందుకు ప్రభుత్వం ప్రత్యేకంగా ఓ విభాగాన్ని ఏర్పాటు చేయడం శుభపరిణామం అని సమంత అన్నారు.
ఒకరు చెప్పనక్కర్లేదు
బీచ్లో బికినీ ఫోటోను ఇన్స్టాగ్రామ్లో పోస్ట్ చేయడం, దానిని కొందరు ట్రోల్ చేయడంపై సమంత స్పందించారు. బికినీ ఫొటో పోస్ట్ చేస్తే ట్రోల్ చేస్తారని నాకు తెలుసు. అలా అని బీచ్లో చీరకట్టుకొని ఫోటో దిగాలా? ఎవరి కోసమో నేను ఫొటో పోస్ట్ చేయలేదు. నేను ఏలాంటి ఫొటోలు పోస్టు చేయాలో నాకు ఒకరు చెప్పనక్కర్లేదు.
నేను ఎవరికీ భయపడను
నేను వివాహితను కాబట్టి వాళ్లు కావాలని నన్ను ట్రోల్ చేశారు. నేను ఎలా ఉండాలో నాకు ఒకరు చెప్పనక్కర్లేదు. నా జీవితాన్ని ఎలా ఉంచుకోవాలో నాకు బాగా తెలుసు. నేను ఒకరికి భయపడను. ఒకరి ట్రాప్లో పడను అని సమంత ఘాటుగా స్పందించారు.
అది కెమెరా ట్రిక్
రంగస్థలం సినిమాలో లిప్లాక్ గురించి సమంత వివరణ ఇచ్చారు. అదంతా ఓ కెమెరా ట్రిక్ మాత్రమే. నేను కేవలం రాంచరణ్ బుగ్గ మీద మాత్రమే ముద్దు పెట్టుకొన్నాను. పెళ్లైన తర్వాత అలాంటి సీన్లు చేస్తే నన్ను తిడుతారని తెలుసు అని సమంత పేర్కొన్నారు.
హీరోలను నిలదీసే దమ్ముందా?
ఒకవేళ పెళ్లైన హీరోలు చేస్తే వారిని ప్రశ్నించే దమ్ముందా? అని సమంత నిలదీశారు. ఇలాంటి ప్రశ్నలు కేవలం పెళ్లైన హీరోయిన్లనే ఎందుకు అడుగుతారు. ఈ విషయంలో నాకు ఇబ్బంది లేదు. ఎందుకంటే నా ఫ్యామిలీ నాకు అండగా నిలబడుతుంది. నా మామయ్య నాగార్జున అర్థం చేసుకొంటారు. అందుకే నేను సెట్స్లో చాలా కంఫర్ట్గా ఉంటాను అని సమంత చెప్పింది.