చీటింగ్ చేయను.. నేను స్నానం అలానే చేస్తా.. సమంత వైరల్ ట్వీట్

వన్ బకెట్ ఛాలెంజ్

దేశంలో అనేక ప్రాంతాల్లో వర్షాభావ పరిస్థితులు నెలకొనడంతో నీటి పొదుపును తెలియజేసేందుకు గాను ‘ఒన్ బకెట్' ఛాలెంజ్‌ మొదలైంది. ఒక వ్యక్తి రోజు మొత్తంలో తన అవసరాల నిమిత్తం ఒక్క బకెట్ నీళ్లు మాత్రమే వినియోగించాలి. ఇదే ‘ఒన్ బకెట్' ఛాలెంజ్‌. ఇప్పటికే చెన్నై ఎదుర్కొంటున్న నీళ్ల కష్టాలు భవిష్యత్‌లో హైదరాబాద్ లాంటి నగరాల్లో రాకూడదనే కోణంలో సామాన్యుల నుంచి సెలబ్రిటీల వరకు ఈ చాలెంజ్‌ స్వీకరిస్తున్నారు.

ఉదయం లేచిన దగ్గరి నుంచి రాత్రి పడుకునే వరకు

జులై 21 వ తేదీన హైదరాబాద్‌లో ఉన్నవారంతా ఉదయం లేచిన దగ్గరి నుంచి రాత్రి పడుకునే వరకు తమ అవసరాల కోసం కేవలం ఒక్క బకెట్‌ వాటర్‌నే వాడాలన్నది ఈ ఛాలెంజ్‌లో కండీషన్. అయితే తాజాగా ఈ వున్న బకెట్ ఛాలెంజ్ స్వీకరించిన సమంత ట్విట్టర్ వేదికగా ఓ సందేశం పెట్టింది.

చీట్ చేయను.. అలాంటి పనులు అస్సలు చేయను

'నాతో కలిసేది ఎవరు? వన్ బకెట్ ఛాలెంజ్. స్నానం ఎక్కువసేపు చేయడం, వాహనాలను కడగడం, ముఖం కడిగేటప్పుడు టాప్ తిప్పేసి అలాగే ఉంచడం లాంటి పనులు చేయను. నా వన్ బకెట్ ఛాలెంజ్ ఫోటోను పోస్ట్ చేస్తాను. ఇందులో చీటింగ్ అస్సలు చేయను' అని ట్వీట్ ద్వారా సమంత పేర్కొంది. ఆమె చేసిన ఈ ట్వీట్ చూసి మురిసిపోతున్నారు సమంత అభిమానులు.

చెత్త ఛాలెంజ్‌లు పక్కనబెట్టి సమంత లాంటి పనులు చేయండి

ఈ మధ్యన సోషల్ మీడియాలో ఎన్నో రకాల ఛాలెంజ్ లు వస్తుండటం చూస్తున్నాం. వాటిపై సెలబ్రిటీలు రియాక్ట్ కావడం, ఆ ఛాలెంజ్ లలో పార్టిసిపేట్ చేయడం జరుగుతోంది. అయితే అవి ప్రజలకు ఎంతవరకు ఉపయోగకరం అనేది అందరికీ తెలుసు. కానీ వన్ బకెట్ ఛాలెంజ్ ద్వారా నీటి విలువను గుర్తించే ఛాన్స్ ఉంది. సో ఇది గమనించిన నెటిజన్లు.. 'చెత్త ఛాలెంజ్‌లు పక్కనబెట్టి సమంత లాంటి పనులు చేయండి' అని కామెంట్స్ చేస్తున్నారు.