న్యూఇయర్ పార్టీ: గోవాలో సమంత ఎంజాయ్ (ఫోటోస్)

By Bojja Kumar

| Published: Tuesday, December 30, 2014, 19:33 [IST]

హైదరాబాద్: హీరోయిన్ సమంత న్యూఇయర్ సెలబ్రేషన్స్ గోవాలో జరుపుకుంటోంది. తన పర్సనల్ స్టైలిస్ట్ నీరజ కోన, మరికొందరు స్నేహితులతో కలిసి గోవాలో ఎంజాయ్ చేస్తోంది. స్కూటర్లపై గోవా వీధుల్లో తిరుగుతూ ఆనందంగా గడుపుతోంది. ఇందుకు సంబంధించిన ఫోటోలు సోషల్ మీడియా ద్వారా బయటకు లీక్ అయ్యాయి. ఆ ఫోటోలు స్లైడ్ షోలో చూడొచ్చు.

సినిమాల పరంగా ప్రస్తుతం టాప్ లో ఉన్న సమంత...ఇటు యాడ్ ఫిల్మ్స్ విషయంలోనూ అందరికంటే ముందు ఉంది. వీటి ద్వారా ప్రస్తుతం సౌత్ లో అత్యధికంగా సంపాదిస్తున్న హీరోయిన్ కూడా ఆమె అని అంటున్నారు. సమంత కూడా వచ్చిన ఏ అవకాశాన్ని వదులుకోకుండా చేస్తోంది. తాజాగా హీరోయిన్ సమంత కోకాకోలా కంపెనీ ఉత్పత్తి అయిన ‘మాజా'కు బ్రాండ్ అంబాసిడర్‌గా ఎంపకయింది. సౌత్ లో మాజా యాడ్ కు ఎంపికయిన తొలి హీరోయిన్ సమంతే కావడం విశేషం.

ఆమె సినిమాల విషయానికొస్తే.... సమంత సినిమాల విషయానికొస్తే... ఇటీవల ఆమె తమిళంలో కత్తి చిత్రం భారీ విజయం సాధించింది. ఈ చిత్రానికి ఏఆర్ మురుగదాస్ దర్శకత్వం వహించారు. విజయ్ హీరోగా నటించారు. తమిళంలో సమంతకు ఇదే ఇప్పటి వరకు తొలి మరియు అతి పెద్ద హిట్. ఈ చిత్రం 100 కోట్లకు పైగా వసూలు చేసింది. ప్రస్తుతం సమంత తెలుగులో త్రివిక్రమ్ శ్రీనివాస్-అల్లు అర్జున్ కాంబినేషన్లో తెరకెక్కుతున్న సినిమాలో కూడా హీరోయిన్ గా చేస్తోంది. ఈ చిత్రాన్ని డివివి దానయ్య, ఎస్ రాధాకృష్ణ, అల్లు అరవింద్ సంయుక్తంగా నిర్మిస్తున్నారు.