Samantha: ప్రధాని మోదీపై సమంత కామెంట్స్​ వైరల్​.. నెటిజన్ల ఆగ్రహం

మోదీకి మద్దతుగా..

ప్రస్తుతం టాలీవుడ్​ స్టార్​ హీరోయిన్​ సమంత పరిస్థితి చూస్తుంటే.. ఎప్పుడో ఏదో మాట్లాడిన దానికి ఇప్పుడు మూల్యం చెల్లించుకోవాలనిపిస్తుంది. బీజేపీ, ప్రధాని మోదీపై గతంలో సామ్​ చేసిన ఓల్డ్ కామెంట్స్​ ప్రస్తుతం సోషల్ మీడియాలో వైరల్ అవుతున్నాయి. అలాగే ఇటీవల కూడా ఓ ఇంటర్వ్యూలో భారతీయ జనతా పార్టీకి, ప్రధానమంత్రి నరేంద్ర మోదీకే తన మద్దతు అని చెప్పినట్లు సమాచారం.

ఓల్డ్ వీడియో షేర్​..

అయితే గతంలో సామ్​ చేసిన ఈ ఓల్డ్​ కామెంట్స్​కు సంబంధించిన వీడియో ప్రస్తుతం నెట్టింట వైరల్​గా మారింది. ఈ వీడియోను క్రికెటర్ అమిత్ కుమార్​ సోషల్ మీడియా వేదికగా షేర్​ చేశాడు. ఇక వైరల్ అయిన ఈ వీడియోపై నెటిజన్లు వివిధ రకాలుగా స్పందిస్తూ సమంతను ట్రోల్ చేస్తున్నారు.

మార్పు వస్తుందని..

ఈ వీడియోలో సమంత.. ''నేను ఎప్పుడూ మోదీజీకే సపోర్ట్ చేస్తాను. ఆయన చేసిన మంచి కార్యక్రమాలతో సంతోషంగా ఉన్నా'' అని తెలిపింది. ఇక మరో వీడియోలో ''నేను మోదీ సపోర్టర్​నే. ఎందుకంటే ఆయన నాయకత్వంలో కచ్చితంగా మార్పు వస్తుందని నమ్ముతున్నాను. ఆయన దేశాన్ని ముందుకు నడిపిస్తారు. ఆర్థిక వ్యవస్థలో మార్పులు తీసుకువస్తారు'' అని మాట్లాడింది సామ్​.

ఇదేనా మార్పు?

దీంతో సామ్​పై నెటిజన్లు ఫైర్ అవుతున్నారు. ప్రధాని మోదీ ప్రస్తుత నిర్ణయాల నేపథ్యంలో సమంత ఓల్డ్​ కామెంట్స్​ను నెటిజన్లు వైరల్​ చేస్తూ ట్రోల్​ చేస్తున్నారు. ''ఎల్పీజీ సిలిండర్ ధర రూ. 1100 అయింది. ఆర్థిక వ్యవస్థలో మార్పు అంటే ఇదేనా?'' అని చురకలు అంటిస్తున్నారు.

నెటిజన్ల అసహనం..

అలాగే మోదీ తీసుకున్న పథకాలు, నిర్ణయాలపై ఉన్న అసహనాన్ని సమంతపై వెల్లగక్కుతున్నారు. కామెంట్స్​ రూపంలో ట్రోలింగ్​కు దిగారు మరికొంత మంది నెటిజన్లు. కాగా సమంత ప్రస్తుతం యశోద, శాకుంతలం, ఖుషి, అరేంజ్​మెంట్స్​ ఆఫ్ లవ్​ వంటి చిత్రాలతో ఫుల్​ బిజీగా ఉంది.