అభిమానం హద్దులు దాటింది..భాదపడుతూ వెళ్లిపోయిన సమంత!

సినీతారలంటే అభిమానం

సినీతారలంటే అభిమానుల్లో ఎప్పుడూ క్రేజ్ ఉంటుంది.వెండి తెరపై అభిమాన నటులు చేసే డాన్సులు, విన్యాసాలు చూసి ఫాన్స్ వెర్రెత్తిపోతారు.సినీతారలు బయట కనిపించినా అదే తరహాలో అభిమానాన్ని ప్రదర్శిస్తారు.

హద్దులు దాటుతున్న అభిమానం

ఇటీవల అభిమానం హద్దులు దాటుతున్న దృశ్యాలు ఘటనలు చూస్తూనే ఉన్నాం. హీరోల ఫాన్స్ ప్రదర్శించే అత్యుత్సాహం వలన టాలీవుడ్ లో కొన్ని వివాదాలు సైతం నెలకొన్నాయి. ఇలాంటి ఘటనల వలన సినీతారలకు ఇటు అభిమానులకు కూడా ఇబ్బందికర పరిస్థితులు తలెత్తుతున్న సంగతి తెలిసిందే.

అనంతపురంలో సమంత

సమంత తాజాగా అనంతపురం జిల్లాలో మెరిసింది. ఓ మొబైల్ షోరూం ఓపెనింగ్ సందర్భంగా సమంత అనంతకు వెళ్ళింది. సమంత కోసం అభిమానులు ఎగబడ్డారు.

దూసుకొచ్చిన అభిమాని, చేదు అనుభవం

ఓ అభిమాని సమంతని చూడాలనే మితిమీరిన ఉత్సహంతో దూసుకొచ్చాడు. దీనితో అక్కడ స్వల్ప తోపులాట జరిగింది. అతడిని నిలువరించే క్రమంలో పోలీస్ లు అతడిపై లాఠీ ఛార్జ్ చేసారు.

సమంత మనస్తాపం

అనుకోకుండా జరిగిన ఘటనతో సమంత మనస్తాపం చెందింది. కార్యక్రమాన్ని త్వరగా పూర్తి చేసుకుని అక్కడి నుంచి వెళ్ళిపోయింది.