దాగుడు మూతల్లేవ్, ఇక ఎంగేజ్మెంటే: మమాగోటో వద్ద చైతూ-సమంత!

By Bojja Kumar

Published: Saturday, July 9, 2016, 15:05 [IST]

హైదరాబాద్: సమంత, నాగ చైతన్య మధ్య ప్రేమాయణం మొదలై చాలా కాలమే అయినా...ఎవరూ గుర్తించలేక పోయారు. ఇద్దరూ కలిసి పలు సినిమాల్లో నటిస్తుండటం, చైతూ కూడా చాలా ఇన్నోసెంట్ బాయ్ కావడంతో వీరిద్దరూ గతంలో కలిసినా ఎవరికీ అనుమానం రాలేదు.

అయితే ఆ మధ్య సమంత ఓ ఇంటర్వ్యూలో తన ప్రేమ విషయం బయట పెట్టడంతో విషయం లీకైంది. త్వరలో పెళ్లి చేసుకుని సెటిలవుతున్నట్లు వెల్లడించడం...త్వరలోనే తాను పెళ్లాడబోయే వ్యక్తి ఎవరో చెబుతానని సమంత చెప్పిన మరుక్షణమే సమంత లవర్ ఎవరనే విషయమై అన్వేషన్ ప్రారంభం అయింది. సమంత పెళ్లాడబోయేది నాగ చైతన్యనే అనే విషయం బయటకు పొక్కింది.

మీడియాలో సమంత-నాగ చైతన్య ప్రేమ విషయం, త్వరలో పెళ్లి చేసుకుంటున్న విషయమై బాహాటంగా ప్రచారం జరిగింది. ఈ వార్తలను ఇద్దరూ ఖండించక పోవడంతో పాటు నాగార్జున కూడా సంతోషం వ్యక్తం చేయడంతో అందరికీ ఓ క్లారిటీ వచ్చింది.

దాదాపు రెండు మౌడేళ్లుగా సమంత, నాగ చైతన్య మధ్య లవ్ ఎఫైర్ నడుస్తోంది. ఇంతకాలం ఈ జంట ఎవరికీ తెలియకుండా రహస్యంగా కలుసుకోవడం, ప్రేమ కబుర్లు చెప్పుకోవడం లాంటివి చేసారు. అయితే విషయం పబ్లిక్ కావడంతో....ఈ జంట కూడా దాగుడుమూతలకు తెరదించారు. ఎలాగూ అందరికీ తెలిసిపోయింది కాబట్టి హైదరాబాద్ లో చెట్టాపట్టాలేసుకుని తిరుగుతున్నారు.

ఇటీవల జీవికె మాల్ వద్ద గల హార్డ్ రాక్ కేఫ్ వద్ద చైతూ, సమంత చట్టాపట్టాలేసుకుని తిరుగుతూ కనిపించారు. తాజాగా బంజారాహిల్స్ రోడ్ నెం.12లోని మమాగోటో రెస్టారెంట్‌లో లంచ్ కంప్లీట్ చైసుకొని బయటకు వస్తుంటే ఎవరో వీరిని తమ కెమెరాలో బంధించారు. ఈ ఫోటో ప్రస్తుతం సోషల్ మీడియాలో వైరల్‌లా పాకింది.