Don't Miss!
- News మీనరాశిలో బుధుడు ప్రత్యక్షం: ఈ రాశులవారి కెరీర్ ప్రమాదంలో.. జాగ్రత్త!!
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
సమంత, రానా సమ్థింగ్ సమ్థింగ్
హైదరాబాద్ : హాట్ హీరోయిన్ సమంత, యువ హీరో దగ్గుబాటి రానా కలిసి ఒకే సినిమాలో కలిసి నటించబోతున్నారు. అయితే హీరో హీరోయిన్లుగా మాత్రం కాదు. వీరిద్దరు కలిసి గెస్ట్రోల్లో నటించబోతున్నారు. సిద్దార్థ-హన్సిక జంటగా సుందర్.సి దర్శకత్వంలో 'సమ్థింగ్ సమ్థింగ్' చిత్రం రూపొందుతున్న సంగతి తెలిసిందే.
ఈ చిత్రంలో హీరోయిన్ సమంత, రానా దగ్గుబాటి ముఖ్యమైన అతిథి పాత్రలో నటిస్తున్నారు. ఈ చిత్రం జూన్ 14న విడుదల చేయటానికి సన్నాహాలు చేస్తున్నారు. తమిళ,తెలుగు భాషల్లో ఒకేసారి ఈ చిత్రం విడుదల కానుంది. బ్రహ్మానందం ఈ చిత్రంలో లవ్ గురు గా హైలెట్ కానున్నారు.
ఇందులో సిద్దార్ద పాత్ర పేరు కుమార్. చిత్రం కథ గురించి దర్శకుడు సుందర్. సి. మాట్లాడుతూ...ఆడుతూపాడుతూ జీవితాన్ని గడిపేయాలన్నది కుమార్ ఉద్దేశం. చేసే పనిలో కష్టం ఉన్నా ఫలితం మధురంగా ఉంటుందని అతనికి చెప్పిందెవరు? అతని ఆలోచనల్ని మార్చాలని ప్రయత్నించినవాళ్లకి ఎదురైన అనుభవాలేమిటన్నది తెర మీదే చూడాలన్నారు.
రానా సినిమాల విషయానికొస్తే...ప్రస్తుతం గుణశేఖర్ దర్శకత్వంలో రూపొందుతోన్న 'రుద్రమదేవి' చిత్రంలో కథనాయకుడిగా చేస్తున్నాడు. దీంతో పాటు రాజమౌళి దర్శకత్వంలో రూపొందబోయే 'బాహుబలి' చిత్రంలో కీలకమైన విలన్ రోల్ పాత్రకు ఎంపికయ్యాడు. సమంత ప్రస్తుతం అత్తారింటికి దారేది, రామయ్యా వస్తావయ్యా, మనం, రభస చిత్రాలకు కమిటైంది.