సంబురాల్లో సమంత.. అందమైన గిఫ్ట్‌తో షాకిచ్చిన చైతన్య.. హమ్మయ్య నెల గడిచింది..

చైతూ, సమంతల మధ్య ప్రేమ చిగురించింది అలా

నాగచైతన్య, సమంతది అందమైన ప్రేమకథ. తొలిసారి 2009లో ఏం మాయ చేశావే చిత్ర షూటింగ్‌లో తొలిసారి కలుసుకొన్నారు. అప్పటి నుంచి కొన్నాళ్లపాటు వారిద్దరూ మంచి స్నేహాన్ని కొనసాగించారు. ఆ తర్వాత 2014 నుంచి డేటింగ్ చేయడం ప్రారంభించారు.

అక్కినేని పెళ్లి సందడి

చైతూ, సమంత తమ మధ్య ఉన్న ప్రేమను వారి కుటుంబ సభ్యులకు వెల్లడించడంతో వారు కూడా సానుకూలంగా స్పందించారు. దాంతో వారి వివాహానికి గ్రీన్ సిగ్నల్ వచ్చింది. చైతూ, సమంత పెళ్లిని అక్టోబర్‌లో ప్రైవేట్ కార్యక్రమంగా దగ్గుబాటి, అక్కినేని కుటుంబం నిర్వహించింది.

సమంతకు చైతూ అందమైన గిఫ్ట్

వివాహం చేసుకొని నెల రోజులు పూర్తయిన సందర్భాన్ని పురస్కరించుకొని సమంతకు అందమైన ఫ్లవర్ బోకేను అందజేశాడు. అరుదైన పూలతో చేసిన పుష్ఫగుచ్చాన్ని అందించి తన ప్రేమను మరోసారి వ్యక్తం చేశాడు.

పాస్తా వడ్డించిన చైతూ

అంతేకాకుండా తన ఇష్ణసఖి కోసం మంచి ఫుడ్‌ను స్వయంగా తయారు చేసి వడ్డించారు. సమంత కోసం వేడివేడిగా పాస్తా చేశాడు. అంతేకాదు నా ప్రియమైన భర్త చాలా హాట్‌గా కనిపించాడు. జీవితం చాలా మధురంగా గడిచిపోతున్నది అని సమంత ఓ ఫొటోను ట్వీట్ చేసింది.

గొప్ప వ్యక్తిని పెళ్లాడాను..

ఫ్లవర్ బోకే మీద జీవితమనే పూలబాట మీద నడుస్తున్నాం. మా వివాహానికి ఒక నెల పూర్తయింది. నేను ప్రపంచంలోనే గొప్ప వ్యక్తిని పెళ్లాడాను అని సమంత ఇన్స్‌టాగ్రామ్‌లో ఓ ఫొటోను ట్వీట్ చేసింది.