Click it and Unblock the Notifications
సమంత గ్లామర్ సీక్రెట్ తెలిసి పోయింది!
హైదరాబాద్: అబ్బ!...సమంత ఎంత అందంగా ఉందో, ఆమె లాంటి అందం తమకు ఉంటే బావుండు. అసలు ఆమె గ్లామర్ రహస్యం ఏమయుంటుంది? అనే ప్రశ్నలు చాలా మంది అమ్మాయిల్లో మెదిలే ఉంటాయి. అయితే తన గ్లామర్ రహస్యం ఏమిటో స్వయంగా వెల్లడించింది సమంత.
గ్లామర్ కోసం ప్రత్యేకంగా నేను చేస్తుంది ఏమీ లేదు...ఎలాంటి నెగెటివ్ ఆలోచనలు లేకుండా ప్రశాంతంగా, ఆనందంగా జీవించడమే తన గ్లామర్ రహస్యం అంటోంది. దీంతో పాటు హెల్దీ ఫుడ్ తీసుకుంటే సరిపోతుందని అంటోంది. ఒకరి గురించి చెడుగా ఆలోచించడం నాకు తెలియదు. వేరే హీరోయిన్ల ఆఫర్లు నాకు రావాలని ఎప్పుడూ కోరుకోను. ఎప్పుడూ నవ్వుతూ నవ్విస్తూ ఉంటాను. అదే నా ఆరోగ్య రహస్యం అంటోంది.
సినిమాల పరంగా ప్రస్తుతం టాప్ లో ఉన్న సమంత...ఇటు యాడ్ ఫిల్మ్స్ విషయంలోనూ అందరికంటే ముందు ఉంది. వీటి ద్వారా ప్రస్తుతం సౌత్ లో అత్యధికంగా సంపాదిస్తున్న హీరోయిన్ కూడా ఆమె అని అంటున్నారు. సమంత కూడా వచ్చిన ఏ అవకాశాన్ని వదులుకోకుండా చేస్తోంది. తాజాగా హీరోయిన్ సమంత కోకాకోలా కంపెనీ ఉత్పత్తి అయిన ‘మాజా'కు బ్రాండ్ అంబాసిడర్గా ఎంపకయింది. సౌత్ లో మాజా యాడ్ కు ఎంపికయిన తొలి హీరోయిన్ సమంతే కావడం విశేషం. త్వరలో సమంతతో నోరూరించే యాడ్లు చిత్రీకరించి జనాలపైకి వదలబోతున్నారు. మరి సిద్ధంగా ఉండండి కొనడానికి....!
ఆమె సినిమాల విషయానికొస్తే.... సమంత సినిమాల విషయానికొస్తే... ఇటీవల ఆమె తమిళంలో కత్తి చిత్రం భారీ విజయం సాధించింది. ఈ చిత్రానికి ఏఆర్ మురుగదాస్ దర్శకత్వం వహించారు. విజయ్ హీరోగా నటించారు. తమిళంలో సమంతకు ఇదే ఇప్పటి వరకు తొలి మరియు అతి పెద్ద హిట్. ఈ చిత్రం 100 కోట్లకు పైగా వసూలు చేసింది.
ప్రస్తుతం సమంత తెలుగులో త్రివిక్రమ్ శ్రీనివాస్-అల్లు అర్జున్ కాంబినేషన్లో తెరకెక్కుతున్న సినిమాలో కూడా హీరోయిన్ గా చేస్తోంది. ఈ చిత్రాన్ని డివివి దానయ్య, ఎస్ రాధాకృష్ణ, అల్లు అరవింద్ సంయుక్తంగా నిర్మిస్తున్నారు. ప్రస్తుతం ఈచిత్రం షూటింగు దశలో ఉంది.
Continue with Google