బాయ్ ఫ్రెండుతో రహస్యంగా టీవీ నటి ఎంగేజ్మెంట్! (ఫోటోస్)

By Bojja Kumar

Published: Thursday, March 10, 2016, 14:02 [IST]

హైదరాబాద్: హిందీ టీవీ నటి, డాన్సర్ సంభావన సేథ్ తన బాయ్ ఫ్రెండ్ అవినాష్ ద్వివేదితో గత కొంతకాలంగా ప్రేమలో ఉంది. పెళ్లి చేసుకోవాలని నిర్ణయించుకున్న ఈ ఇద్దరూ గత ఫిబ్రవరి 23న ఎంగేజ్మెంట్ రహస్యంగా జరుపుకున్నారు. తాజాగా ఈ విషయం వెలుగులోకి వచ్చింది.

సంభావన సేథ్ హిందీలో బిగ్ బాస్ 2 రియాల్టీ షో ద్వారా తన కెరీర్ ప్రారంభించింది. ఈ రియాల్టీ షో ఆమెకు మంచి పాపులారిటీ తెచ్చిపెట్టింది. దీంతో పాటు హిందీలో బాగా పాపులర్ అయిన టీవీ సీరియల్ 'రజియా సుల్తాన్'లో విలన్ పాత్రలో నటించింది. పలు చిత్రాల్లో ఐటం నంబర్స్ కూడా చేసింది.

సంభావన సేథ్, అవినాష్ గత ఐదేళ్లుగా డేటింగ్ చేస్తున్నారు. ఓ రిజనల్ డాన్స్ రియాల్టీ షో ద్వారా ఇద్దరి మధ్య పరిచయం ఏర్పడింది. ఈ క్రమంలో ఇద్దరి మధ్య ప్రేమ చిగురించింది. అవినాష్ పలు టీవీ కమర్షియల్స్ లో నటించాడు. క్వికర్, మహింద్రా, వీడియోకాన్ తదితర టీవీ కమర్షియల్స్ లో నటించాడు.