రామ్ చరణ్ పై సమీరారెడ్డి కన్ను

By Staff

Published: Wednesday, March 25, 2009, 14:44 [IST]

హైదరాబాద్‌: "తెలుగులో మంచి కథ కోసం ఎదురు చూస్తున్నా. అదీ రామ్‌ చరణ్‌ తేజతో నటించే అవకాశం వస్తే ఎట్టిపరిస్థితుల్లోనూ వదులుకోను" అని బాలీవుడ్‌ ముద్దుగుమ్మ సమీరా రెడ్డి అంటోంది. మగువల కేశసౌందర్యం, శరీరసౌష్టవం, ముఖాన్ని అందంగా తీర్చిదిద్దేందుకు నగరంలో తొలిసారిగా ఇన్‌ స్టాస్కల్‌‌ప్ట క్లినిక్‌ ఏర్పాటైంది. మంగళవారం బేగంపేటలో ఈ క్లినిక్‌ను ప్రారంభించించిన అనంతరం సమీరా కొద్దిసేపు మీడియాతో ముచ్చటించింది. రాజమండ్రిలో పుట్టిన సమీరా ముంబయ్ లో పెరిగిన విషయం తెలిసిందే.

తనకు కష్టంగా భావించిన పనిని ఎంతో ఇష్టంగా చేస్తానని, రోజులో అత్యధిక భాగం యోగా చేయడమే తన సౌందర్యం వెనుక దాగున్న రహస్యమని తెలిపింది. మగువలు అందంగా ఉండాలని పురుషులు కోరుకుంటారని, ఆరోగ్యాన్ని ఎప్పుడూ ఫిట్‌గా ఉంచుకోగలిగితే సౌందరాన్ని ఎల్లప్పుడూ కాపాడుకోవచ్చంది. ప్రస్తుతానికి మూడు తమిళ సినిమాల్లో నటించేందుకు అంగీకరించానని, వీటితో పాటు సునీల్‌శెట్టితో మరో హిందీ సినిమాలో నటించనున్నట్లు తెలిపింది. హైదరాబాద్‌ నగరంతో తనకు ఎంతో అనుబంధం ఉందని, ఇక్కడి మగువలు సౌందర్య పోషణకు అధిక ప్రాధాన్యత ఇస్తారని చెప్పింది.

More from Filmibeat