కొడుకు ఎదుగుతూంటే అంతే మరి...

By Staff

Published: Wednesday, March 11, 2026, 4:45 [IST]

లిటిల్ సోల్జిర్స్,ఐతే,అమ్మ చెప్పింది వంటి చిత్రాలు,అమృతం సీరియల్ ద్వారా సుపరిచితమైన దర్శక,రచయిత గుణ్ణం గంగరాజు. ఆయన ఇప్పుడు పుత్రోత్సాహం అనుభవించటానికి రెడీ అవుతున్నారు. ఆయన కుమారుడు గుణ్ణం సందీప్ త్వరలో దర్శకుడుగా మారబోతున్నాడు. తమిళ హిట్ పొల్లాదవన్(ధనుష్ హీరో) ని రీమేక్ చేయబోతున్నాడు. అలాగే ఈ చిత్రాన్నినువ్వు-నేను వంటి హిట్ చిత్రాలు అందించిన ఆనంది ఆర్ట్స్ సంస్ధ నిర్మిస్తోంది. హ్యాపీడేస్ ఫేమ్ వరుణ్ సందేష్ ఇందులో హీరోగా చెయ్యబోతున్నాడు. ఇక సందీప్ గతంలో అమ్మచెప్పింది చిత్రానికి కెమెరా అందించారు.

అలాగే ఈ చిత్రానికి గుణ్ణం గంగరాజే రచన చేయనున్నారని సమాచారం. హీరోయిన్ గా కొత్త అమ్మాయిని పరిచయం చేసే ప్రాసెస్ లో ఉన్నారు. త్వరలోనే ఈ సినిమా కు సంభందించిన అధికార ప్రకటన రానుంది. ఇక ఈ విషయం నిమిత్తం చాలామంది గుణ్ణం గంగరాజుని ఫోన్ చేసి మరీ అభినందిస్తున్నారుట. దాంతో ఆయన పుత్రోత్సాహం పుత్రుడు జన్మించినప్పుడు పుట్టదు జనులా పుత్రుని కనుగొని...అన్నట్లు ఆనందంగా ఉందిట. ఎందుకంటే ఆయన తన కుమారుడుతో ప్రెండ్లీగా బిహేవ్ చేసి ఈ స్ధాయికి తెచ్చారుట. ఇక ఈ సినిమా కథ కూడా తండ్రి,కొడుకుల మధ్య ఉండే అనుబంధం చుట్టూ తిర్గుతూండటం విశేషం.

More from Filmibeat