సింధూర 'సంగమం'

By Staff

Published: Tuesday, March 10, 2026, 23:57 [IST]

2005 మిస్ ఇండియా సింధు గద్దే తెలుగులో తెరంగ్రేటం చేస్తున్న చిత్రం సంగమం. ఆమె ప్రత్యేక పాత్ర చేసిన హే బేబి అనే హిందీ సినిమాలో ఆల్రెడీ రిలీజయి హిట్ అయ్యింది.ఇక తెలుగులో సెటిల్ అవుదామనుకుంటున్న ఆమె ఈ సినిమా రిలీజు కోసం ఎదురుచూస్తోంది.మోడల్ గానూ ఎంతో పేరుతెచ్చుకున్న ఆమె ఈ సినిమా పై ఎన్నో ఆశలు పెట్టుకుంది. ఇక ఈ సినిమా దర్శకుడు రసూల్ ఎల్లూర్ 'ఒకరికి ఒకరు' సినిమాతో మంచి టెక్నీషియన్ గా పేరుతెచ్చుకున్నాడు. తర్వాత రవితేజ తో చేసిన 'భగీరధ' వర్కవుట్ కాకపోవటంతో గ్యాప్ వచ్చింది. ఇక ఈ సినిమా గురించి ఆయన "సృష్టిలో జరిగే ఏ సంగమం అయినా అది నూతన చరిత్రకు నాంది పలకడమే. అదే ప్రేమ తత్వం. దేవుడన్నాడో లేదో తెలియదో కానీ ప్రేమ నిత్యం ,ప్రేమ సత్యం" అని తెలిపే విన్నూత కథాంశంతో తెరకెక్కుతున్న చిత్రం అని సంగమం అంటున్నారు.

గద్దె సింధూర సరసన రోహిత్ ఖరానా అనే నూతన నటుడు నటించిన ఈ చిత్రం ఈ నెల 11 న రిలీజు కాబోతోంది. ఇక ఈ సినిమా కథ ప్రధానంగా నిజమైన ప్రేమ ఖండాంతరాలు దాటినా ఒకటౌతౌందనే పాయింటు చుట్టూ తిరుగుతుందంటున్నారు. సినిమాలో 90 శాతం ఆమెరికాలోనే షూటింగ్ జరుపుకుంది. సురేంద్రకృష్ణ అందించిన కథకు సంగీతం ఎం.ఎం.కీరవాణి అందిచారు. ఈ సినిమాలో ప్రధానంగా బ్రహ్మానందం,అవినాష్,రఘునాధరెడ్డి తదితరులు నటించారు. ఈ సినిమాతో సింధూర తెలుగులో సెటిలవుతుంని ఆశిద్దాం.

More from Filmibeat