సంగీత పెళ్లి క్రిష్ తోనే..

By Staff

Published: Wednesday, December 17, 2008, 8:28 [IST]

'పెళ్లాం ఊరెళితే'ఖడ్గం,బహుమతి వంటి చిత్రాలతో పాపులర్ అయిన సంగీత వచ్చే యేడాది వివాహం చేసుకోబోతోంది. యువ సినీ నేపథ్య గాయకుడు క్రిష్‌ ఆమెకు కాబోయే భర్త. గత కొంతకాలంగా వీరిద్దరూ ప్రేమించుకొంటున్నారు. ఇటీవల నటి మహేశ్వరి వివాహానికి వీరిద్దరూ జంటగా కూడా వెళ్లారు. అక్కడే సంగీత, క్రిష్‌ల పెళ్లి జరిగినట్లు వార్తలొచ్చాయి. ఆ తరవాత వారిద్దరూ ఖండించారు. అయితే మంగళవారం రాత్రి సంగీత మీడియాతో మాట్లాడుతూ ''ఫిబ్రవరిలో క్రిష్‌ని వివాహం చేసుకోబోతున్నాను.

మా ప్రేమను రెండు కుటుంబాల వారు అంగీకరించారు. వాళ్ల సమ్మతితోనే పెళ్లి చేసుకొంటున్నాం. తమిళనాడులోని తిరువణ్ణామలైలో ఈ వేడుక జరగనుంది. పెళ్లి తరవాత నటనకు స్వస్తి చెప్పడం అనే విషయంలో ఎలాంటి నిర్ణయం తీసుకోలేద''న్నారు. ఫిబ్రవరి 1న పెళ్లి చేసుకొంటున్నట్లు క్రిష్‌ తెలిపారు. ''ఏడు నెలల కిందట ఓ టీవీ కార్యక్రమంలో మేమిద్దరం కలుసుకున్నాం. నాటి పరిచయమే ప్రేమగా మారింద''న్నారు క్రిష్‌. ఈయన ఎక్కువగా తమిళ చిత్రాల్లోనే పాటలు పాడారు.ప్రస్తుతం సంగీత తెలుగులో రెండు సినిమాలు చేస్తోంది. మొత్తానికి ఈ ప్రేమజంట ఒక్కటవటం తమిళ,తెలుగు పరిశ్రమలలో ఆనందాన్ని కలుగచేస్తోంది.

More from Filmibeat