సంగీత, క్రిష్ ఒకటయ్యారు..

By Staff

Published: Monday, February 2, 2009, 11:02 [IST]

మొత్తానికి సంగీత పెళ్ళి చేసుకుంది. నిన్న రేపు, అసలు అలాంటిదేం లేదు అంటూ ఇన్నాళ్ళుగా చెప్పుకొచ్చిన ఆమె తన భాయ్ ప్రెండ్ క్రిష్ చేతే తాళి కట్టిచుకుంది. తమిళనాడులోని తిరువణ్ణామలై అరుణాచళ్వేర ఆలయంలో ఉదయం 6.45గంటలకు సంగీత మెడలో క్రిష్‌ మూడుముళ్లు వేశారు. గత కొద్ది కాలంగా సంగీత, క్రిష్ ప్రేమించుకుంటున్నారు. క్రిష్ ఓ సింగర్. కుటుంబ సభ్యుల అనుమతి లభించిన తరవాతే ఒకటవుతామని అప్పట్లో సంగీత తెలిపారు.

ఇరుపక్షాల వారూ నిర్ణయించిన ముహూర్తానికే ఈ ప్రేమ జంట వివాహమైంది. ఈ కార్యక్రమంలో సినీ ప్రముఖులు రీమాసేన్‌, ఐశ్వర్య, శ్రీదేవి, మహేశ్వరి, పృథ్వీరాజ్‌, లక్ష్మీరాయ్‌, ముంతాజ్‌, బాలా, వెంకట్‌ ప్రభు తదితరులు పాల్గొన్నారు. సంగీత ప్రస్తుతం తెలుగులో 'శ్రీమతి కల్యాణం'లో నటిస్తున్నారు. సంగీత తెలుగులో అలీ ప్రక్కన ఆశల సందడి సినిమాతో పరిచయమైనా ఖడ్గం చిత్రంతోనే తెలుగు ప్రేక్షకులకు చేరువైంది. ఆ తరవాత తెలుగుతోపాటు తమిళంలోనూ పలు విజయవంతమైన చిత్రాల్లో ఆమె నటించారు.

More from Filmibeat