సంజన కి మరో ఛాన్సు....

By Staff

| Published: Tuesday, June 17, 2008, 16:16 [IST]

రెండేళ్ల క్రితం కన్నడంలో వచ్చిన 'గండ హెండతి' చిత్రంతో సినిమా రంగంలో అడుగుపెట్టిన సంజన ఇప్పుడు తెలుగు రంగంలో బిజీ అవుతోంది. 'గండ హెండతి' సినిమా తెలుగులోకి 'మొగుడు పెళ్ళాం ఓ భాయ్ ఫ్రెండ్' పేరుతో డబ్బింగ్ అయింది. ఆ సినిమా హిందీ మర్డర్ కి ఫ్రీమేక్. సినిమాలో సంజన రెచ్చిపోయి హిందీలో ఆ పాత్ర చేసిన మల్లికా షెరావతే సిగ్గుపడేలా అందాలు ఆరబోసింది. దాంతో పూరీ కళ్ళల్లో పడి బుజ్జిగాడు లోచేసింది. అందులో త్రిష చెల్లెలి పాత్రను చేసింది. ఆ సినిమాను రాజశేఖర్ చూసారు. ఆయన కథానాయకుడిగా జీవిత దర్శకత్వం వహించనున్న 'సత్యమేవ జయతే' సినిమా షూటింగ్ జూన్ 18న ప్రారంభం కాబోతోంది.

దాంతో ఆమెను తమ సినిమాలో తీసుకోవాలని నిర్ణయించుకున్నారు రాజశేఖర్, జీవిత. అయితే ఒరిజినల్‌లో ఐశ్వర్య చేసిన మహాలక్ష్మి పాత్రని ఆమె చేయనున్నదా, మరొకటా అనే సంగతి స్పష్టం కాలేదు. ఒరిజినల్‌లో ఐశ్వర్య ఒక్కతే హీరోయిన్. రాజశేఖరే స్వయంగా నిర్మిస్తున్న ఈ సినిమా బాలీవుడ్ హిట్ ఫిల్మ్ 'ఖాకీ'కి రీమేక్. 'సత్యమేవ జయతే'లో మిళింద్ సోమన్ (అజయ్ దేవగన్ పాత్ర), శివాజీ (తుషార్ కపూర్ పాత్ర) ఇప్పటివరకు ఎంపికైన తారాగణం. ఇక బుజ్జిగాడు వల్ల ప్రభాస్ కి ఒరిగిందేం లేదు. పూరీకి,త్రిషాకి ఫ్లస్ కాలేదు. కానీ చిత్రంగా చిన్న పాత్ర వేసిన సంజన మాత్రం ఆఫర్ పట్టింది. యేదేమైనా సంజన లక్కీ గర్ల్ కదా...