బాలకృష్ణ రీమేక్ చిత్రం టైటిల్ 'పోలీస్‌ గిరి'

By Srikanya

Published: Wednesday, January 23, 2013, 14:29 [IST]

ముంబై : బాలకృష్ణ కెరీర్ లో మరో సూపర్ హిట్ గా నిలిచిన చిత్రం లక్ష్మీ నరసింహ. తమిళ సామి రీమేక్ గా వచ్చిన ఈ చిత్రం ఇప్పుడు బాలీవుడ్ తెరకెక్కుతున్న సంగతి తెలిసిందే. ఈ చిత్రానికి 'పోలీస్‌ గిరి' అనే పేరుని నిర్ణయించారు. చిత్రీకరణ ప్రస్తుతం చెన్నైలో జరుగుతోంది. రజనీకాంత్‌కి ఆ విషయం తెలియడంతో సంజయ్‌దత్‌ను ప్రత్యేకంగా తన ఇంటికి ఆహ్వానించారు. కొద్దిసేపు వారిద్దరూ సినీ కబుర్లు, కుటుంబ విషయాల గురించి మాట్లాడుకొన్నట్లు తెలిసింది.

ప్రముఖ తమిళ దర్శకుడు కెఎస్ రవికుమార్ ఈ చిత్రంతో తమిళనాట రంగప్రవేశం చేస్తున్నారు. బాలకృష్ణ చేసిన పోలీస్ అధికారి పాత్రను సంజయ్ దత్ చేస్తున్నారు. మొదట ఈ చిత్రానికి తనీందర్ రిటర్న్స్ అనే టైటిల్ పెట్టారు. అయితే టైటిల్ మరింత స్టైయిట్ గా ఉండాలని మార్చారని తెలుస్తోంది. అలాగే ఈ చిత్రానికి కొలావరి డి పాటతో సంచలనం క్రియేట్ చేసిన అనిరుధ్ రవిచందర్ ని సంగీత దర్సకుడుగా ఎన్నుకున్నారు.

దర్శకుడు రవికుమార్ మాట్లాడుతూ...నేను తొలిసారిగా హిందీలో డైరక్ట్ చేస్తున్న చిత్రం ఇది. సంజయ్ దత్ నా ఫేవరెట్ హీరో. అతన్నే డైరక్ట్ చేయటం ఆనందం గా ఉంది. తమిళ,తెలుగులో సూపర్ హిట్టైన లక్ష్మీ నరసింహా చిత్రాన్ని నేను తెరకెక్కిస్తున్నాను. ఈ చిత్రంలో అమితాబ్ ని ఓ కీలకపాత్రలోకి అడుగుతున్నాం. అయితే ఇంకా అమితాబ్ గ్రీన్ సిగ్నల్ ఇవ్వలేదు. ఇక అనిరుధ్ సంగీతం ఈ చిత్రానికి హైలెట్ అవుతుందనుకుంటున్నాను. అతను కొలావరి డి పాట ఎంత సంచలనం క్రియేట్ చేసిందో తెలిసిందే కదా. అతనికీ ఇదే తొలి బాలీవుడ్ చిత్రం అవుతుంది. ఈ ప్రాజెక్టుపై సంజయ్ దత్ చాలా నమ్మకంగా ఉన్నారు. ఆయన తమిళ ఒరిజనల్ చూసి ఇంప్రెస్ అయ్యారు అన్నారు.

More from Filmibeat