రేటు తగ్గించుకున్న స్టార్ హీరో!

By Staff

Published: Thursday, December 11, 2008, 10:21 [IST]

బాలీవుడ్ స్టార్ హీరో సంజయ్ దత్ గతంలో ఒక్కో సినిమాకి రూ.12 కోట్లు పారితోషికం వసూలు చేసేవారు. ఇటీవలే సునీల్‌ శెట్టి ఆ మొత్తాన్ని రూ.15 కోట్లకు పెంచారు. సునీల్‌ శెట్టి స్వీయ నిర్మాణ సంస్థ నిర్మిస్తున్న చిత్రంలో నటించేందుకుగానూ సంజుకి ఈ మొత్తం ఇవ్వడానికి ఆయన ముందుకొచ్చారు. కానీ ఆర్థిక మాంద్యం దెబ్బతో చిత్ర నిర్మాణ వ్యయాల్ని తగ్గించుకోవల్సిన అవసరం ప్రస్తుతం ఏర్పడింది. ముఖ్యంగా హీరోల పారితోషికాలు అధికంగా ఉండటంతో నిర్మాణ సంస్థలు వారి మీదే దృష్టి సారించాయి.

రెమ్యునరేషన్‌లు వీలైనంత తగ్గించుకోమని వారిని కోరుతున్నాయి. ఈ నేపథ్యంలో సంజయ్‌ దత్‌ ముందుకొచ్చి తన పారితోషికం తగ్గించుకుంటానని నిర్మాతలకు హామీ ఇచ్చారు. ఎంత మొత్తం తగ్గించుకుంటారో కచ్చితంగా బయటకు చెప్పడం లేదుగానీ ఆయా నిర్మాతలతో సంజుకు ఉన్న సంబంధాలపైనే ఇది ఆధారపడి ఉంటుందని సమాచారం. మరి మన తెలుగు హీరోల కూడా అటువంటి నిర్ణయం తీసుకుంటే బాగుంటుందని నిర్మాతలు చర్చించుకుంటున్నారు.కానీ పిల్లి మెడలో గంట కట్టేదెవరు అన్నట్లు ఎవరు వెళ్ళి రేటు తగ్గించమని అడగగలరనేది సమస్యగా మారింది.

More from Filmibeat