ఈ వివాదం, నిషేదం ముందే ఊహించాడా?: 140 కోట్లకి సినిమాని ఇన్స్యూర్ చేయించిన దర్శకుడు

ఊహించనంత వ్యతిరేకత

అయితే ఊహించనంత వ్యతిరేకత, అసలు అనుకోనంత తీవ్రమైన వివాదం ఈ సినిమాని చుట్టుముట్టింది రెండు రాష్ట్రాలు అధికారికంగానే ఈ సినిమాని బ్యాన్ చేసాయి. మరోవైపు ఈ చిత్రానికి వ్యతిరేకంగా ఆందోళనలు కొనసాగుతూనే ఉన్నాయి. సెన్సార్ బోర్డు దగ్గర కూడా సమస్యలు తలెత్తడంతో డిసెంబరు 1 నుంచి ఈ చిత్రాన్ని వాయిదా వేయాల్సిన పరిస్థితి తలెత్తింది.

140 కోట్లకు బీమా

ఐతే తాను తీసే సబ్జెక్ట్ ఇంతగా వ్యతిరేకతని సంజయ్ లీలా బన్సాలీకి ఎదుర్కుంటుందని ముందే తెలుసా?? ఎందుకంటే ఈ పరిణామాల్ని ముందే ఊహించాడో ఏమో.. బన్సాలీ "పద్మావతి"కి రూ.140 కోట్లకు ఇన్సూరెన్స్ చేసి పెట్టాడు. 180 కోట్ల వ్యయంతో ‘పద్మావతి' రూపొందగా.. రూ.140 కోట్లకు బీమా చేయించడం విశేషం.

ప్రభుత్వమే నిషేధిస్తే

ఏ రకంగా అయినా ఈ సినిమాకు ఆటంకాలు కలిగినా, ఇది విజయవంతం కాకపోయినా బీమా చెల్లించేలా ఇన్సూరెన్స్ కంపెనీతో ఒప్పందం జరిగిందట. అయితే ప్రభుత్వమే నిషేధిస్తే మాత్రం ఈ ఇన్స్యూరెన్స్ వర్తించదు. లీగల్ గా సరైన కారణాలతో సినిమాని ఆపేస్తే ఇన్స్యూరెన్స్ కంపెనీ దాన్ని పరిగణలోకి తీసుకోదన్న మాట.

సినిమాను నిషేధించినప్పటికీ

కాబట్టి బన్సాలీ కొంత వరకు సేఫ్ జోన్లో ఉన్నట్లే. ఏవో కొన్ని రాష్ట్రాలు ఈ సినిమాను నిషేధించినప్పటికీ.. దేశమంతా ఆ పరిస్థితి ఉండకపోవచ్చు. మిగతా రాష్ట్రాల్లో, ఓవర్సీస్ లో పద్మావతి బాగానే రాబట్టే అవకాశం ఉంది. ఐతే ఏ ఫిలిం మేకర్ కూడా తన సినిమాకు ఏదో ఆటంకం ఏర్పడి బీమా డబ్బులు తీసుకోవాలని అనుకోడు.

జనాలు చూడాలనే

అందులోనూ ఎంతో ప్యాషన్‌తో తీసిన "పద్మావతి" లాంటి సినిమాలు జనాలు చూడాలనే కోరుకుంటారు. అందుకే వివాదాలన్నీ సద్దుమణిగి త్వరలోనే తన సినిమా విడుదలవుతుందని బన్సాలీ ఆశిస్తున్నాడు.మొత్తానికి ఆర్థికంగా మునిగి పోకుండా తన జాగ్రత్తలో తానున్నాడన్నమాట.