హోమ్

న్యూస్

ఐశ్వర్యారాయ్, హృతిక్ రోషన్ ల కాంబినేషన్ లో విడుదలైన గుజారిష్ చిత్రం హిట్టా..పట్టా అనే సంగతి ప్రక్కన పెడితే ఇప్పుడా చిత్రం కాపీ వివాదంలో ఇరుక్కుంది. ఈ చిత్రం కథ తనదే నంటూ అఖిల్ రాజేంద్ర ద్వివేది అనే స్క్రీన్ ప్లే రైటర్ కేసు వేసారు. తనకు చెప్పకుండా తన కథని కాపీ కొట్టారని, తాను 2005 లోనే ఈ స్క్రిప్టు రిజిస్టర్ చేసానని, భాన్సాలీని 2008 లో కలిసానని ఆయన ఈ స్క్రిప్టుని చాలా ఇష్టపడ్డారని, త్వరలో కలుద్దామని చెప్పాడుని, ఆ తర్వాత ఆయన తనను పిలవలేదని వాపోతున్నాడు. అందుకే భన్సాలి తనకు న్యాయంగా రెండు కోట్ల రూపాయలు చెల్లించాలని డిమాండ్ చేస్తున్నాడు. ఇక క్రితం శుక్రవారం ధియోటర్ లో ఆ చిత్రం చూసి షాక్ అయ్యాయని, తన స్క్రిప్టుకి బాగా దగ్గరగా ఈ సినిమా స్క్రీన్ ప్లే ఉందని అంటున్నారు. డబ్బులు ఇవ్వటమే కాక టైటిల్స్ లో క్రెడిట్ ఇవ్వాలని కోరుతున్నాడు. మరో ప్రక్క సినిమా రిలీజ్ అవటానికి ముందు దయానంద్ రాజన్ అనే వ్యక్తి గుజారిష్ కథ నాదే అంటూ గొడవ ప్రారంభించారు.