Don't Miss!
- News వైసీపీకి బీఆర్ఎస్ గతే: గంటా శ్రీనివాసరావు సంచనల వ్యాఖ్యలు
- Sports LSG vs CSK: రప్ఫాడించిన రాహుల్... లక్నో ఘన విజయం
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
‘స్పైడర్’ కెమెరామెన్ సెన్సేషనల్ ట్వీట్... చట్టబద్దమైన హెచ్చరిక!
మెర్సల్ సినిమా వివాదం మీద ప్రముఖ సినిమాటోగ్రాఫర్ సంతోష్ శివన్ సంచలన ట్వీట్ చేశారు.
తమిళ హీరో విజయ్ నటించిన 'మెర్సల్' మూవీ మీద నాలుగు రోజులుగా పెద్ద వివాదం నడుస్తోంది. సినిమాలో జిఎస్టిని ఉద్దేశించిన చేసిన కొన్ని డైలాగులు కేంద్ర ప్రభుత్వానికి వ్యతిరేకంగా ఉన్నాయని, వాటిని తొలగించాలంటూ బీజేపీ నేతలు ఆందోళన చేస్తున్న సంగతి తెలిసిందే.
ఈ వివాదంలో సినిమా రంగానికి చెందిన పలువురు 'మెర్సల్' సినిమాకు మద్దతుగా నిలిచారు. భావ ప్రకటనా స్వేచ్ఛను అడ్డుకునే ప్రయత్నం చేస్తున్నారంటూ ఎదురు దాడి చేస్తున్నారు. ఈ నేపథ్యంలో తాజాగా ప్రముఖ సినిమాటోగ్రాఫర్, ఇటీవల 'స్పైడర్' చిత్రానికి పని చేసిన సంతోష్ శివన్ సంచలన ట్వీట్ చేశారు.
త్వరలో, కొత్త చట్టబద్దమైన హెచ్చరిక
ఈ వివాదం మీద సంతోష్ శివన్ స్పందిస్తూ ‘త్వరలో ప్రతి సినిమాలో ఒక చట్టబద్దమైన హెచ్చరిక ప్రదర్శిస్తారు. ‘సినిమా చిత్రీకరణ సమయంలో ప్రభుత్వానికి వ్యతిరేకంగా, హాని తలపెట్టేలా ఎలాంటి పనులు చేయలేదు' అనే ఒక ఒక ప్రకటన చేయాలేమో? అంటూ వ్యంగంగా ట్వీట్ చేశారు.
సాధారణంగా ఇలా ఉంటాయి
సాధారణంగా అయితే.... ‘సినిమా చిత్రీకరణ సమయంలో ఏ జంతువుకు, పక్షులకు హాని తలపెట్టలేదు' అనే ప్రకటన సినిమా ప్రదర్శించే ముందు చూస్తూ ఉంటాం. ఇపుడు సంతోష్ శివన్ ‘మెర్సల్' సినిమా వివాదం నేపథ్యంలో ‘నో గవర్నమెంట్ వర్ హార్మ్డ్ డ్యూరింగ్ ది మేకింగ్ ఆఫ్ ది ఫిల్మ్' అంటూ ట్వీట్ చేయడం చర్చనీయాంశం అయింది.
తమిళ సినిమా ప్రముఖుల మద్దతు
‘మెర్సల్' సినిమాకు తమిళ సినిమా ప్రముఖుల నుండి మద్దతు లభిస్తోంది. జిఎస్టీ గురించి ప్రజలకు అవగాహన కల్పించాల్సిన అవసరం ఉంది. దీని గురించి ప్రశ్నించే హక్కు అందరికీ ఉంది. ఇందులో తప్పేముంది? అంటూ అరవింద స్వామి ఇటీవల ట్వీట్ చేశారు.
రజనీకాంత్ ట్వీట్
‘మెర్సల్' సినిమా చూసిన రజనీకాంత్ కూడా ఈ సినిమా బావుందంటూ మెచ్చుకున్నారు. ఆయన ప్రత్యేకించి బీజేపీ లేవనెత్తిన వివాదం గురించి స్పందించక పోయినా... సినిమా బావుందని చెప్పడం ద్వారా తన సపోర్టు తెలిపారు.