Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
'కందిరీగ' దర్శకుడి పై మనస్సు పడ్డ అల్లు అర్జున్...!
కందిరీగ చిత్రంతో దర్శకుడిగా పరిచయమైన సంతోష్ శ్రీనివాష్ తొలి సినిమాతోనే సత్తా చాటుకున్నాడు. రొటీన్ కథతోనే ఈ సినిమా తెరకెక్కించినా కానీ సంతోష్ కమర్షియల్ ఫార్ములాని బాగా వంటబట్టించుకున్నాడని అర్థమయింది. కామెడీ, మాస్ ఎలిమెంట్స్ బాగా క్లిక్ అవడంతో కందిరీగ చిత్రం ఇప్పుడు అంతటా ఆదరణ పొందుతోంది.
ఎవరైనా సరే సక్సెస్ వెంటే పరిగెడతారు. సినిమా ఇండస్ట్రీలో కూడా ఒక్క హిట్ వస్తే చాలు... పెద్ద పెద్ద వాళ్లు కూడా దాని వెంట పడతారు. అందుకే, ఓ కొత్త దర్శకుడు ఓ హిట్ ఇవ్వగానే పెద్ద హీరోలు కూడా డేట్స్ ఇచ్చేస్తారు. ఇప్పుడు కొత్త దర్శకుడు సంతోష్ శ్రీనివాస్ కి కూడా ఆఫర్లు అలాగే వున్నాయి.
అతను తొలిగా డైరెక్ట్ చేసిన 'కందిరీగ' సినిమా హిట్ అవ్వడంతో, చాలా మంది హీరోలు అతనితో చేయడానికి ఉత్సాహం చూపిస్తున్నారు. చాన్నాళ్లుగా ఓ హిట్ కోసం ప్రయత్నిస్తున్న అల్లు అర్జున్ కూడా అతనితో చేయడానికి ఆసక్తి చూపిస్తున్నాడు. దాంతో, వీరి కాంబినేషన్లో ఓ నిర్మాత సినిమా తీయడానికి ప్లాన్ చేస్తున్నాడు. సంతోష్ శ్రీనివాస్ డైరెక్ట్ చేసే రెండో సినిమా అల్లు అర్జున్ తోనే అవుతుందని తెలుస్తోంది.
అయితే ప్రస్తుతానికి బన్నీ డైరీ బిజీగా ఉంది. డిసెంబర్ లో త్రివిక్రమ్ సినిమా మొదలు పెట్టనున్న అల్లు అర్జున్, దాంతో పాటు సైమల్టేనియస్ గా వాసు వర్మ దర్శకత్వంలో ఓ చిత్రం చేయబోతున్నాడు. ఇవి కాక అతనికి సెల్వ రాఘవన్ తో ను ఒక కమిట్ మెంట్ ఉంది. కనుక అల్లు అర్జున్ తో చేసే చిత్రం కోసం సంతోష్ కొన్నాళ్లు వేచి ఉండాలి..