సైరా రికార్డు బ్రేక్ చేసిన సరిలేరు నీకెవ్వరు.. మెగాస్టార్‌పై సూపర్‌స్టార్ ఆధిక్యం

రీఎంట్రీతో బాక్సాఫీస్ బద్దలు..

చిరంజీవి తన కమ్‌బ్యాక్ చిత్రంగా తమిళ హిట్ మూవీ కత్తికి రీమేక్‌గా ఖైదీ నెంబర్ 150 చేశాడు. ఈ చిత్రం మాస్ ప్రేక్షకులను విపరీతంగా ఆకట్టుకుంది. దీంతో బ్లాక్ బస్టర్ హిట్‌గా నిలిచింది. పదేళ్లు గ్యాప్ ఇచ్చినా తన ఇమేజ్ చెక్కు చెదరలేదని నిరూపించుకున్నాడు.

సైరాతో మరోసారి హవా..

స్వాతంత్ర్య సమరయోధుడు, రేనాటి వీరుడు ఉయ్యాల వాడ నరసింహా రెడ్డి జీవిత చరిత్ర ఆధారంగా తెరకెక్కిన సైరా నరసింహా రెడ్డి తెలుగు రాష్ట్రాల్లో సంచలనం స‌ృష్టించింది. అద్భుతమైన విజువల్స్, నటీనటులు తమ నటనతో సినిమాను ఓ రేంజ్‌లో నిలబెట్టేశారు. ఒళ్లు గగుర్పొడిచే పోరాట దృశ్యాలను అవలీలగా చేసిన చిరు.. అభిమానులను ఆకట్టుకున్నాడు.

రెమ్యూనరేషన్ విషయంలో ఇద్దరికీ పోటీ..

తెలుగు నాట పవన్ కళ్యాణ్, మహేష్ బాబు అత్యధికంగా పారితోషికాలు అందుకుంటారని టాక్. అయితే పవన్ రాజకీయాల్లోకి అడుగుపెట్టడంతో ఆ విషయంలో మహేష్ టాప్ ప్లేస్‌లో దూసుకుపోతున్నాడు. అయితే చిరంజీవి, మహేష్ బాబుల మధ్య ఇదే విషయమై పోటీ వస్తూనే ఉంటుంది.

అత్యధికంగా అందుకుంటోన్న మహేష్..

మహేష్ బాబు తన సినిమాలకు దాదాపు 50కోట్ల వరకు అందుకుంటాడని సమాచారం. అయితే చిరంజీవి తన రెండు సినిమాలను సొంత బ్యానర్‌లోనే చేయడంతో రెమ్యూనరేషన్ విషయాలు బయటకు రావడం లేదు. ఎంత తీసుకున్నా, ఇచ్చినా అది లెక్కలోకి రాదు. చిరు తన 153వ చిత్రం వేరే బ్యానర్‌లో చేస్తే.. ఆ నిర్మాత ఇచ్చే రెమ్యూనరేషన్ బట్టి చిరు రేంజ్ ఏ రేటును పలుకుతుందో అన్నది తెలుస్తోంది.

Recommended Video

Cine Box : RRR Updates,Rajamouli Fully Focused On NTR And Ram Charan For RRR !

సైరాను వెనక్కు నెట్టిన సరిలేరు..

అత్యంత భారీ బడ్జెట్‌తో తెరకెక్కించిన సైరా చిత్రం హిందీ మార్కెట్‌లో.. 9 కోట్లకు అమ్ముడుపోయాయి. సైరా హిందీ శాటిలైట్, డిజిటల్ హక్కులు 9 కోట్లకు అమ్ముడుపోగా..సరిలేరు నీకెవ్వరు హిందీ డబ్బింగ్, శాటిలైట్, డిజిటల్ అన్నీ కలిపి 15.25 కోట్లకు సేల్ అయినట్టు టాక్ వినిపిస్తోంది. మన మాస్ సినిమాలకు హిందీలో గిరాకీ ఎక్కువగా ఉంటుందన్న సంగతి తెలసిందే. సంక్రాంతి బరిలోకి దిగేందుకు జనవరి 12న ఈ చిత్రం ప్రేక్షకుల ముందుకు వస్తోంది.