వర్మ మళ్ళీ బౌన్స్ బ్యాక్ : ఫస్ట్ లుక్కే ఇలా ఉంటే ఇక సిన్మా అదిరిపోతున్నట్టే

మెడలో రుద్రాక్షలు:

అమితాబ్ బచ్చన్ ప్రధానపాత్రలో రూపొందుతున్న సర్కార్ 3 ఫస్ట్ లుక్ ని రివీల్ చేశాడు వర్మ. మెడలో రుద్రాక్షలు ధరించి.. బ్లాక్ డ్రస్ వేసుకున్న అమితాబ్.. ఓ సాసర్ లో కాఫీ తాగుతూ ఈ పోస్టర్ లో కనిపిస్తారు. కళ్లజోడు లోంచే కంటి చూపుతో కంట్రోల్ చేస్తున్న బిగ్ బీ లుక్ చూస్తే.. బీభత్సంగా భయపెట్టేస్తున్నట్లు అనిపించక మానదు.

బిగ్ బీ లుక్ :

ఐ పవర్ తోనే అంతా నియంత్రించడం ఏంటో బిగ్ బీ లుక్ చూస్తే అర్ధమవుతుంది. మరోసారి పవర్ ఫుల్ కేరక్టర్లో ప్రేక్షకులను మెస్మరైజ్ చేసేందుకు అమితాబ్ సిద్ధమైపోతున్నారు. గతం లో కనిపించిన సేమ్ గెటప్ అయినా ఈ సారి అమితాబ్ లుక్ మరింత గ్రేట్ అనేలా ఉంది.

రిలీజ్ డేట్ కూడా:

సర్కార్ 3 ఫస్ట్ లుక్ తో పాటే రిలీజ్ డేట్ కూడా చెప్పేశాడు రామ్ గోపాల్ వర్మ. 17 మార్చ్ 2017న ఈ మూవీని రిలీజ్ చేయబోతున్నట్లు ఫస్ట్ లుక్ పోస్టర్లోనే వర్మ చెప్పేశాడు. సర్కార్ సిరీస్ లో మొదటి రెండు ఫిలిమ్స్ ఏ రేంజ్ లో హిట్ అయ్యాయో ప్రేక్షకులకు బాగానే తెలుసు.

మళ్లీ బౌన్స్ బ్యాక్ :

ఇప్పుడు సర్కార్3 పై ఇంతకు మించి అంచనాలు ఉండడంలో ఆశ్చర్యం లేదు. సర్కార్ 3తో బాలీవుడ్ లో వర్మ మళ్లీ బౌన్స్ బ్యాక్ అవుతాడనే అంచనాలున్నాయి. ఇక ఈ చిత్రానికి సంబంధించి టీజర్ ఎప్పుడు విడుదల చేయాలనే దానిపై ఓ క్లారిటీకి ఇచ్చాడు వర్మ.

బాల్ థాకరే జయంతి:

జనవరి 23న సర్కార్ 3 టీజర్ విడుదల చేయాలని భావిస్తున్నట్టు తెలుస్తోంది. మరి ఆ రోజే వర్మ సర్కార్ 3 టీజర్ విడుదల చేయడానికి గల కారణమేంటా అని పరిశీలిస్తే ఆ రోజు శివసేన లీడర్ బాల్ థాకరే జయంతి. ఈ సందర్భంగా చిత్ర టీజర్ ని విడుదల చేయాలని ప్లాన్ చేశాడట.

బాల్ థాకరే:

మరో ముఖ్యమైన విషయమేమంటే బాల్ థాకరేని చూసి ఇన్స్పైర్ అయిన వర్మ సర్కార్ లో అమితాబ్ పోషించిన సుభాష్ నగ్రే పాత్రని డిసైడ్ చేశాడట. ఈ పాత్రకు భారీ ఆదరణ లభించిన సంగతి తెలిసిందే. సర్కార్ 3 చిత్రంలో మనోజ్ బాజ్ పేయ్, యామి గౌతమ్, జాకీ ష్రాఫ్ , రోనిత్ రాయ్ మరియు అమిత్ సద్ లు కీలక పాత్రలు పోషిస్తున్నారు.

340 కోట్ల రూపాయల బడ్జెట్:

ఇక వర్మ ఆ మధ్య ప్రకటించిన న్యూక్లియర్ ప్రాజెక్ట్ దాదాపు 340 కోట్ల రూపాయల బడ్జెట్ తో రూపొందనుందని ఈ సినిమా కోసం, రెండు , మూడు సంవత్సరాల సమయాన్ని కేటాయించవలసి ఉంటుందని అన్నాడు వర్మ. శశికళ చిత్రాన్ని 2021లో తమిళనాడు అసెంబ్లీ ఎన్నికల ముందు రిలీజ్ చేస్తానని ప్రకటించాడు.