సినిమా చూసొచ్చి రెచ్చిపోయారు: స్టార్ హీరో ఫ్యాన్స్ తీరుపై విమర్శలు!

విజయ్ అభిమాని వీడియో వైరల్

ఓ వైపు సినిమాలోని సీన్లపై గొడవ నడుస్తుంటే.... సోషల్ మీడియాలో విజయ్ ఫ్యాన్ వీడియో ఒకటి వివాదానికి మరింత ఆజ్యం పోసింది. ఈ వీడియోలోని వ్యక్తి ల్యాప్ ట్యాప్ ధ్వంసం చేస్తూ కనిపించారు. అది జయలలిత ప్రభుత్వం పేదల కోసం పంచిన ఫ్రీ లాప్‌టాప్ అనే ప్రచారం జరుగుతోంది.

ఇది ‘సర్కార్' సినిమా ఎఫెక్టే?

విజయ్ అభిమానిగా చెప్పబడుతున్న వ్యక్తి ల్యాప్ టాప్ ధ్వంసం చేయడానికి కారణం ‘సర్కార్' సినిమాలో చూపించిన కొన్ని సీన్ల ప్రభావమే అని, ఆ సినిమా చూసి వచ్చి ఇలాంటి చర్యలకు పాల్పడుతున్నారనే వాద వినిపిస్తోంది.

ఇలాంటివి ఎంకరేజ్ చేయవద్దు

విజయ్ ఫ్యాన్ ల్యాప్ టాప్ ధ్వంసం చేస్తున్న వీడియోపై విమర్శలు వెల్లువెత్తుతున్నాయి. ఇలాంటి పనులను అస్సలు ఎంకరేజ్ చేయవద్దు. ఎంతో మంది ప్రభుత్వ పాఠశాల విద్యార్థులకు ఇవి అవసరం. మీకు అవసరం లేకుంటే నాశనం చేసే బదులు పేద వారికి ఇవ్వొచ్చు కదా.. అనే అభిప్రాయాలు వ్యక్తం అవుతున్నాయి.

చెంపలేసుకుని అభిమానులకు బ్రెయిన్ వాష్ చేయండి

ఇలాంటి సినిమా తీసినందుకు.... ముందు మీరు లెంపలేసుకుని మీ అభిమానులకు బ్రెయిన్ వాష్ చేయండి అంటూ కొందరు నెటిజన్లు విజయ్, మురుగదాస్‌ మీద విమర్శల వర్షం కురిపిస్తున్నాయి.

సర్కార్

తమిళనాడు రాజకీయ వ్యవస్థలోని లోపాలను ఎత్తి చూపుతూ... ఏఆర్ మురుగదాస్ ‘సర్కార్' చిత్రాన్ని తెరకెక్కించారు. దీపావళి సందర్భంగా విడుదలైన ఈ చిత్రం తమిళనాడు బాక్సాఫీసు వద్ద ఘన విజయం సొంతం చేసుకుంది. ఇప్పటికే రూ. 100 కోట్లకు పైగా గ్రాస్ వసూలు చేసింది. ఈ చిత్రంలో కీర్తి సురేష్ హీరోయిన్‌గా నటించగా... వరలక్ష్మి శరత్ కుమార్, రాధారవి కీలక పాత్రలు పోషించారు.