'రక్ష'లో సత్య కృష్ణన్ విలనా?

By Staff

Published: Friday, March 13, 2026, 9:38 [IST]

రామ్ గోపాల్ వర్మ దర్శకత్వంలో వచ్చిన ఫూంక్ సినిమా తెలుగు వెర్షన్ రక్ష పేరుతో రెడీ అవుతున్న సంగతి తెలిసిందే. యండమూరి తులసీ దళం ఆధారంగా రూపొందుతున్న ఈ సినిమా కథ ప్రకారం హీరో(జగపతిబాబు) బిజెనెస్ పార్టనర్(లేడి) ఓ కాంట్రాక్టును సంపాదించి అతన్ని మోసం చేస్తుంది. ఇది తెలుసుకున్న అతను ఆమెను అందరిలో అవమానం చేస్తాడు. అది తట్టుకోలేని ఆమె అతని కుటుంబాన్ని నాశనం చేయటానికి నిర్ణయించకుంటుంది.

అందలో భాగంగా అతని ముద్దుల కూతరుకు చేతబడి చేయిస్తుంది ఆ చేతబడి చేయించే ప్రత్యర్ధి పాత్రనే సత్యకృష్ణన్ చేస్తోందని తెలుస్తోంది. భయంకరమైన నవ్వుతో వింతగా బిహేవ్ చెయ్యాలి గాబట్టి ఆమెను ఎంపిక చేసినట్లు తెలుస్తోంది. ఆమె గొంతు కొంచెం చిత్రంగా ఉండటమే ఈ పాత్రకు ఆమె ను తీసుకొనేలా చేసిందని సమాచారం. ప్రస్తుతం ఆమె పోసాని దర్శకత్వంలో రాబోతున్న మెంటల్ కృష్ణ చిత్రంలో చేస్తోంది. ఇక ఈ సినిమాలో కళ్యాణి మరో ప్రధాన పాత్రలో జగపతి బాబు భార్యగా కనిపించనుంది. ఆకెళ్ళ వంశి కృష్ణ దర్శకత్వం చేస్తున్న ఈ చిత్రం వచ్చే నెల 12న రిలీజ్ కాబోతోంది.

More from Filmibeat