అతని పరిస్థితి చూసి జాలితో..... రూ. 45 లక్షలు ఖర్చు పెట్టిన నటుడు!

యూట్యూబ్ లో సర్క్యూలేట్ అవుతున్న ఓ వీడియో చూసి ఓ వ్యక్తి పరిస్థితిపై జాలి చెందిన ఓ ప్రముఖ నటుడు... తన దేశం కాని, తనకు సంబంధం లేని అతని కోసం ఏకంగా రూ. 45 లక్షలు ఖర్చు పెట్టడం చర్చనీయాంశం అయింది.

By Bojja Kumar

Published: Monday, December 19, 2016, 16:43 [IST]

దుబాయ్: యూట్యూబ్ లో సర్క్యూలేట్ అవుతున్న ఓ వీడియో చూసి ఓ వ్యక్తి పరిస్థితిపై జాలి చెందిన ఓ ప్రముఖ నటుడు... తన దేశం కాని, తనకు సంబంధం లేని అతని కోసం ఏకంగా రూ. 45 లక్షలు ఖర్చు పెట్టడం చర్చనీయాంశం అయింది.

బ్రతుకు దెరువు కోసం సౌదీ వెళ్లిన పాకిస్తాన్‌కు చెందిన రుస్తమ్ ఖాన్ అనే వ్యక్తి అక్కడ డ్రైవర్ గా ఉద్యోగంలో చేరాడు. వాహనం నడుపుతూ సౌదీకి చెందిన యువకుడు మరణానికి కారణం అయ్యాడు. సౌదీ చట్టాల ప్రకారం బాధితుడి కుటుంబ సభ్యులు ఒప్పుకుంటే.... వారు అడిగినంత డబ్బు డబ్బు చెల్లించి జైలు శిక్ష నుంచి తప్పించుకోవచ్చు.

డబ్బు కట్టు లేదా శిక్ష

బాధితుడి కుటుంబ సభ్యులు 2.50 లక్షల సౌదీ రియాల్స్‌ను ( రూ. 45 లక్షల పైనే) పరిహారం కోరారు. పొట్టకూటి కోసం వచ్చిన తాను అంత డబ్బు కట్టలేనని అతడు వేడుకున్నా లాభం లేక పోయింది. డబ్బు కట్టడం లేదా శిక్ష అనుభవించడమో తేల్చుకోవాలని కోర్టు తేల్చి చెప్పింది.