Sebastian P.C. 524 OTT: విడుదలైన రెండు వారాలకే ఓటీటీలోకి.. ఎందులో రాబోతుందంటే!

సెబాస్టియన్ పీసీగా వచ్చేశాడుగా

‘ఎస్ఆర్ కల్యాణమండపం' హిట్‌తో జోష్‌లో ఉన్న కిరణ్ అబ్బవరం.. బాలాజీ సయ్యపురెడ్డి తెరకెక్కించిన చిత్రమే ‘సెబాస్టియన్ పీసీ 524'. నువేక్ష, కోమలి ప్రసాద్ హీరోయిన్లుగా నటించిన ఈ సినిమాను జోవితా సినిమాస్ బ్యానర్‌పై సిద్దా రెడ్డి, రాజు, ప్రమోద్ సంయుక్తంగా నిర్మించారు. జిబ్రాన్ దీనికి సంగీతం అందించిన ఈ మూవీ మార్చి 4వ తేదీన ప్రేక్షకుల ముందుకు వచ్చింది.

అంచనాలను పెంచిన అప్‌డేట్స్

మర్డర్ మిస్టరీగా రూపొందిన ‘సెబాస్టియన్ పీసీ 524' మూవీపై ఆరంభంలో అంచనాలు పెద్దగా లేవు. కానీ, ఈ చిత్రం నుంచి ఏది విడుదలైన మంచి రెస్పాన్స్ వచ్చింది. మరీ ముఖ్యంగా ఈ సినిమా టీజర్, ట్రైలర్‌కు భారీగా వ్యూస్ వచ్చాయి. అలాగే, పాటలు కూడా ఎంతగానో ఆకట్టుకున్నాయి. దీంతో కిరణ్ నటించిన ఈ చిత్రంపై అంచనాలు భారీ స్థాయిలో పెరిగిపోయాయి.

బిజినెస్‌కు తగ్గట్లుగానే విడుదల

తెలుగు రాష్ట్రాల్లో కిరణ్ అబ్బవరంకు పెద్దగా మార్కెట్ లేదు. కానీ, ‘ఎస్‌ఆర్ కల్యాణమండపం' మూవీ హిట్ అవడంతో ‘సెబాస్టియన్ పీసీ 524'కి కూడా డిమాండ్ ఏర్పడింది. దీంతో ఈ సినిమా హక్కులు డీసెంట్ రేట్లకు అమ్ముడుపోయాయని ట్రేడ్ వర్గాలు తెలిపాయి. అందుకు అనుగుణంగానే ఈ మూవీని ఆంధ్రప్రదేశ్, తెలంగాణలో చాలా గ్రాండ్‌గా రిలీజ్ చేసేశారు.

మిక్స్‌డ్ టాక్.. కలెక్షన్లు రాలేదు

కిరణ్ అబ్బవరం హీరోగా నటించిన ‘సెబాస్టియన్ పీసీ 524' మూవీపై ఆరంభం నుంచే అంచనాలు భారీ స్థాయిలో నెలకొన్నాయి. కానీ, ఆరంభంలోనే ఈ సినిమాకు మిక్స్‌డ్ టాక్ వచ్చింది. దీంతో ఈ ప్రభావం సినిమాపై భారీ స్థాయిలో చూపించింది. ఫలితంగా దీనికి కలెక్షన్లు కూడా పెద్దగా రాలేదు. దీంతో వారం రోజుల్లోనే చాలా థియేటర్లలో ఈ సినిమా రన్‌ను ఆపేశారు.

ఆ ఓటీటీలో సినిమా స్ట్రీమింగ్

ఎన్నో అంచనాలతో వచ్చిన ‘సెబాస్టియన్ పీసీ 524' మూవీ ప్రేక్షకుల ఆదరాభిమానాలను అందుకోవడంలో విఫలమైంది. దీంతో చాలా తక్కువ రోజులు మాత్రమే థియేటర్లతో సందడి చేసింది. ఇలాంటి పరిస్థితుల్లో ఈ మూవీ ఓటీటీ రిలీజ్ గురించి చాలా రకాల వార్తలు వస్తున్నాయి. ఈ నేపథ్యంలో తాజాగా డిజిటల్ స్ట్రీమింగ్‌పై ఆహా అధికారిక ప్రకటనను వదిలింది.

Recommended Video

Kiran Abbavaram Terrific Speech | Sebastian PC524 Trailer Launch | Filmibeat Telugu

ఓటీటీ రిలీజ్ డేట్ ప్రకటించేసి

తెలుగు భాషకు చెందిన ప్రముఖ ఓటీటీ దిగ్గజం ఆహా సంస్థ ‘సెబాస్టియన్ పీసీ 524' మూవీ డిజిటల్ స్ట్రీమింగ్ రైట్స్‌ను మంచి ధరకు కొనుగోలు చేసింది. ఇక, థియేటర్లలో రన్ ఆగిపోవడంతో ఈ సినిమాను విడుదలైన రెండు వారాలకే అంటే మార్చి 18 నుంచి స్ట్రీమింగ్ చేయబోతున్నారు. ఈ మేరకు ఓ పోస్టర్‌ను కూడా విడుదల చేసిన సదరు సంస్థ.. డేట్‌ను ప్రకటించింది.