నేడు రజనీకాంత్-లత పెళ్లి రోజు...(రేర్ ఫోటోలు)

లత తన కాలేజ్ మేగజైన్ కోసం రజనీకాంత్‌ను ఇంటర్వ్యూ చేడానికి వెళ్లినప్పుడు ఈ ఇద్దరు తొలిసారిగా కలిసారు.

తొలి పరిచయంలోనే వీరి మధ్య ప్రేమ వికసించింది. ఆ తర్వాత పెద్దల అంగీకారంతో పెళ్లి చేసుకున్నారు.

32 సంవత్సరాల క్రితం రజనీకాంత్-లత వివాహం తిరుమల తిరుపతి దేవస్థానంలో జరిగింది.

ఈ పెళ్లి వేడుకకు తెలుగు, తమిళ, కన్నడ సినీ పరిశ్రమలకు చెందిన ప్రముఖులు హాజరయ్యారు.

రజనీకాంత్, లత తమిళ సినీ పరిశ్రమలో ఉత్తమ సెలబ్రిటీ దంపతులుగా పేరొందారు.

32 సంవత్సరాలుగా ఈ దంపతులు అన్యోన్య జీవితం గడుపుతూ పలువురికి ఆదర్శంగా నిలిచారు.

రజనీకాంత్ భార్య లత చెన్నైలోని స్టెల్లా మేరీ కాలేజ్‌లో మాస్టర్ ఆఫ్ ఆర్ట్స్, ఇంగ్లిష్ లిటరేచర్ పూర్తి చేసారు.

చెన్నైలోని ఆశ్రమ్ పాఠశాలకు లత ఫౌండర్, కరస్పాండెంట్. అదే విధంగా తన కూతురు సౌందర్యరజనీకాంత్ స్థాపించిన ప్రొడక్షన్ కంపెనీకి చైర్ పర్సన్ గా వ్యవహరిస్తోంది.

1980ల్లో లత తమిళ సినిమాల్లో ప్లేబ్యాక్ సింగర్ గా పని చేసారు.

రజనీకాంత్ 25 సంవత్సరాల కెరీర్ పూర్తయిన సందర్భంగా విడుదలైన చేసిన ‘రజనీ 25' మ్యూజిక్ ఆల్బమ్ ని ఆమె కంట్రిబ్యూట్ చేసారు.

రజనీకాంత్-లత దంపతులకు ఇద్దరు కూతుర్లు. పెద్దకూతురు పేరు ఐశ్వర్య. తమిళ నటుడు ధనుష్ ను ప్రేమ వివాహం చేసుకుంది.

ఐశ్వర్య 3 అనే సినిమా ద్వారా దర్శకురాలిగా కెరీర్ మొదలు పెట్టింది. ఇందులో తన భర్త ధనుష్ హీరోగా నటించాడు.

రజనీ చిన్న కూతురు సౌందర్య బిజినెస్ మేన్ అశ్విన్ ను పెళ్లాడింది.

ప్రస్తుతం రజనీకాంత్ హీరోగా రూపొందుతున్న భారీ బడ్జెట్ చిత్రం ‘కొచ్చాడయాన్' ద్వారా సౌందర్య దర్శకురాలిగా పరిచయం కాబోతోంది.