హోమ్

న్యూస్

సూపర్ స్టార్ మహేష్ బాబు, విక్టరీ వెంకటేష్ మల్టీ స్టారర్‌గా శ్రీకాంత్ అడ్డాల దర్శకత్వంలో దిల్ రాజు రూపొందిస్తున్న 'సీతమ్మ వాకిట్లో సిరిమల్లె చెట్టు' ఫస్ట్ లుక్ ట్రైలర్ కృష్ణ పుట్టిన రోజును పురస్కరించుకుని ఈ రోజు విడుదల చేశారు. ట్రైలర్లోనే సినిమా పూర్తి ఫ్యామిలీ ఎంటర్ టైనర్ అని స్పష్టం అవుతోంది.

ఈ చిత్రంలో ప్రకాశ్ రాజ్, సమంత, అంజలిలు ఈ చిత్రంలో ప్రధాన పాత్రలు పోషిస్తున్నారు. మిక్కి జే మేయర్ ఈ చిత్రానికి సంగీతం అందిస్తున్నారు. “సీతమ్మ వాకిట్లో సిరిమల్లె చెట్టు" చిత్రం ఈ దసరాకి విడుదల కానుంది. మహేష్ బాబు ఫేవెరెట్ కెమెరామెన్ గుహన్ ఈ చిత్రానికి కెమెరా అందించనున్నారు. గుహన్ ఇంతకుముందు అతడు, దూకుడు చిత్రాలకు ఛాయాగ్రహణం అందించారు.

దర్శకుడు శ్రీకాంత్ అడ్డాల పక్కా ప్లానింగ్ ప్రకారం సినిమాను ముందుకు తీసుకెలుతున్నాడు. మరి కొన్ని రోజుల్లో ఇక్కడ షెడ్యూల్ పూర్తి కానుంది. ఈ చిత్రం ఫస్ట్ లుక్ ఈరోజే విడుదల చేయడానికి ప్రత్యేకమైన కారణం ఉంది. గతంలో పోకిరి, దూకుడు చిత్రాల ఫస్ట్ లుక్ కూడా కృష్ణ బర్తడే సందర్భంగా విడుదల చేశారు. ఆ సెంటిమెంటు కలిసొచ్చి సినిమా హిట్ అవుతుందని దర్శక నిర్మాతలు నమ్ముతున్నారు.