స్టార్ హీరోతో శేఖర్ కమ్ముల సినిమా?

By Staff

| Published: Wednesday, June 11, 2008, 14:43 [IST]

ఇమేజ్ లేని కొత్త వారితో ...సరి కొత్త కథలతో సంచలన సినిమాలు తీయటం శేఖర కమ్ముల ఇన్నాళ్ళూ అనుసరిస్తున్న వ్యూహం. ఇప్పుడు ఆయన దాన్ని బ్రేక్ చేయబోతున్నాడంటున్నారు. సూపర్ హిట్ 'హ్యాపీడేస్' తర్వాత దర్శకుడు శేఖర్ కమ్ముల ఇంతవరకు మరే సినిమానీ మొదలు పెట్టలేదు. దర్శకత్వానికి బదులు నిర్మాతగా మాత్రమే వ్యవహరిస్తూ 'ఆవకాయ బిర్యానీ' ని నిర్మిస్తున్నాడు. దీనికి ఆయన అసోసియేట్ అనీష్ కురువిల్లా దర్శకత్వం వహిస్తున్నాడు. రెగ్యులర్ సినిమాలకు భిన్నంగా ఈ సినిమా ఓవైపు వినోదాన్ని అందిస్తూనే మరోవైపు సమాజంపై సెటర్స్ ని విసరనున్నది. అయితే ఇంతవరకు యే స్టార్ హీరోతోనూ పనిచేయని శేఖర్ కమ్ముల తన తదుపరి సినిమాను ఒక స్టార్ హీరోతో ప్లాన్ చేయబోతున్నాడని తెలిస్తోంది.

ఇంతవరకు ఆయన డైరెక్షన్‌లో చేయడానికి వెంకటేష్, మహేష్ ఆసక్తి చూపిస్తున్నారని వార్తలు వచ్చినా ఇంతవరకు అవి కార్యరూపం దాల్చలేదు. ఇప్పుడు ఆయన మరో స్టార్ హీరోతో ఆయన పనిచేసే అవకాశాలు కనిపిస్తున్నాయి.ఆ హీరో కథ విన్నాడని బల్క్ గా డేట్స్ ఇవ్వటానికి రెడీ అవుతన్నాడని తెలుస్తోంది. పూర్తి స్ధాయిలో కన్ ఫర్మ్ అయ్యేదాకా ఆ హీరో పేరు బయిట పెట్టకూడదని నిర్ణయం తీసుకున్నాడని అంటున్నారు. ఈ సినిమా ఈ ఏడాది చివరలో సెట్స్ మీదకు వెళ్లనున్నది. కానీ ఇన్నాళ్ళూ కొత్త హీరోలను డీల్ చెయ్యటానికి అలవాటపడిన శేఖర్ పూర్తి గా కమర్షయల్ హీరోను ఎలా డీల్ చేస్తాడో చూడాలంటున్నారు. గతంలో యోలేటి చంద్రశేఖర్ కూడా తన రెగ్యులర్ పద్దతిని బ్రేక్ చేసి గోపీచంద్ ని 'ఒక్కడున్నాడు' కోసం సీన్ లోకి తెచ్చి ఫ్లాప్ ఇచ్చాడు. మరి శేఖర్ ఏం చేస్తాడో చూడాలంటున్నారు.