శేఖర్ కమ్ముల కొత్త చిత్రం రిలీజ్ డేట్

హ్యాపీడేస్ అనంతరం శేఖర్ కమ్ముల రూపొందిస్తున్న లీడర్ చిత్రం డిసెంబర్ ఇరవైనాలుగున రిలీజ్ కానుంది.క్రిస్ మస్, సంక్రాంతి పండుగలను ఈ చిత్రం టార్గెట్ చేయనుంది. ఈ చిత్రం ద్వారా ప్రముఖ నిర్మాత రామానాయుడు మనవడు రాణాని హీరోగా పరిచయం అవుతూండటంతో మంచి అంచనాలే ఉన్నాయి. అంతేగాక ఈ చిత్రాన్ని మరో ప్రముఖ నిర్మాణ సంస్ధ ఎవియం ప్రొడక్షన్స్ వారు నిర్మిస్తున్నారు.ఈ చిత్రం ఆడియో రిలీజ్ నవంబర్ ఇరవై నాలుగున ప్లాన్ చేసారు.హ్యాపీడేస్ కు సూపర్ హిట్ సంగీతం అందించిన మిక్కీ జె.మేయర్ ఈ చిత్రానికి పనిచేసారు. ఇక ఈ చిత్రం లోగోని నవంబర్ ఒకటిన లాంచింగ్ చేయనున్నారు. అలాగే ఈ చిత్రంలో రాణా సరసన ప్రియ ఆనంద్ మరియు రిచా హీరోయిన్స్ గా చేస్తున్నారు.