ఆ డైరక్టర్ పేరే సినిమా టైటిల్....

'7/g బృందావన కాలనీ', 'ఆడువారిమాటలకు అర్ధాలు వేరులే' ,'ధూళ్ పేట' వంటి చిత్రాలతో తెలుగు వారికి పరిచయమైన తమిళ దర్శకుడు సెల్వ రాఘవన్. తాజాగా అతని పేరుతో "సెల్వరాఘవన్ బి.ఈ" అంటూ ఓ సినిమా తమిళంలో రూపుదిద్దుకుంటోంది. దానికి దర్శకుడు రాఘవన్ శిష్యుడు Pranthaman. అతనికి గురువంటే దేవునికంటే ఎక్కువట. అందుకే అతని మొదటి సినిమాకి ఆ టైటిల్ పెడుతున్నాడట.

ఇక ఇప్పుడు తమిళంలో రాఘవన్ శిష్యులకి మంచి డిమాండు ఉంది. ధనుష్ తో Yaaradi Nee Mohini ( ఆడువారిమాటలకు అర్ధాలు వేరులే) తీసిన జవహర్ ,సుబ్రమణ్యపురం తీసిన దర్శకుడూ ఆయన శిష్యుడే.ఇక ఈ కొత్త సినిమా రొమాంటిక్ డ్రామాట. ఒకప్పుడు తన సంగీతంతో ఒక ఊపు ఊపి తప్పుకున్న గంగై అమరన్ మళ్ళీ సినిమాతో ముందుకొస్తున్నారు.

Pranthaman అతని గురువు పేరు ఏ రేంజిలో నిలబెడతాడో గానీ ఈ సినిమా హిట్టయితే తమిళాన్ని అనుకరించే మన తెలుగులోనూ ఈ తరహా ట్రెండ్ మొదలవుతుంది. అప్పుడు మన దర్శకులందరి పేర్లతో సినిమాలు వస్తాయి. మరి భవిష్యత్ లో యేం రాసి పెట్టి ఉందో అంటున్నారు సీనియర్లు...చూద్దాం...