హోమ్

న్యూస్

తెలంగాణాపై పార్లమెంట్ లో బిల్లును ప్రవేశపెట్టకుంటే జై బోలో తెలంగాణ రెండో బాగం(సీక్వెల్) కూడా తీస్తామని దర్శకుడు ఎన్.శంకర్ చెప్పారు. ఉస్మానియా విధ్యార్ధల ఐక్యవేదికకు ప్రత్యేకంగా తన సినిమా జై బోతో తెలంగాణా ను చూపిన ఎన్.శంకర్ ఈ విధంగా స్పందించారు. అలాగే..తెలంగాణ సంస్కృతి, సంప్రదాయాలను ప్రతిబింబించే విధంగా తెలంగాణా ప్రజలు ఎదుర్కొంటున్న వాస్తవ సమస్యల ఇతివృత్తంగా తీసిన ఈ సినిమాను ప్రజలు ఎంతగానో ఆదరిస్తున్నారని అన్నారు. పార్లమెంట్ లో తెలంగాణా బిల్లను పెట్టకపోతే సీక్వెల్ తీస్తానన్నారు. అంతేగాకుండా తాను సోనియా గాంధీకి ఈ సినిమా చూపిస్తానని, సినిమా చూసే ముందు సోనియాగాంధి సినిమా చూసి కన్నీళ్ళు పెట్టుకుంటే వెంటనే తెలంగాణాను ఇవ్వాలన్న షరుతో తెలంగాణా సినిమా ను రూపొందించనున్నట్లు శంకర్ తెలిపారు. ఇక జై బోలో తెలంగాణా చిత్రంలో జగపతిబాబు ప్రత్యేకపాత్ర వేశారు. స్మృతి ఇరానీ ఈ చిత్రంలో కీలకమైన పాత్రను చేసింది.

ఈ చిత్రంద్వారా మీరా నందన్ అనే కేరళ అమ్మాయి తెలుగు తెరకు పరిచయం అయ్యింది. గద్దర్ పాట ఈ చిత్రంలో స్పెషల్ ఎట్రాక్షన్ గా నిలిచి సినిమాని నిలబెట్టింది.14 రీళ్ళ నిడివిగల 'జై బోలో తెలంగాణ' చిత్రం 4-2-2011న విడుదల అయింది. ఈ చిత్రాన్ని మహలక్ష్మి ఆర్ట్‌ పతాకాన ఎన్‌. శంకర్‌ నిర్మించారు. సందీప్‌ మీరానందన్‌, జగపతి బాబు, స్మృతి ఇరాని, నాగినీడు ముఖ్యపాత్రలు పోషించారు. సంగీతం చక్రి, సినిమాటోగ్రఫీ సురేందర్‌రెడ్డి నిర్వహించిన ఈ చిత్రానికి కథ స్క్రీన్‌ప్లే, దర్శకత్వం ఎన్‌. శంకర్‌.