ఆ టైపు హీరోని...ఫ్యామిలీ ప్రేక్షకులు ఆదరిస్తారా?

By Bojja Kumar

| Published: Tuesday, January 22, 2013, 13:44 [IST]

ముంబై : బాలీవుడ్‌లో లిప్‌లాక్ ముద్దు సీన్లు అంటే ముందుగా గుర్తుచ్చేది ఇమ్రాన్ హస్మి. గత పదేళ్లుగా వరుస సినిమాల్లో ముద్దు సీన్లతో రెచ్చి పోతూ సీరియల్ కిస్సర్‌గా పేరు తెచ్చుకున్న ఇమ్రాన్ హస్మి వీలైనంత వరకు ఆ ఇమేజ్‌ను నుంచి బయట పడటానికి ప్రయత్నిస్తున్నాడు. అయితే ఆయనతో సినిమాలు తీసే దర్శకులు అతని కిస్సింగ్ ఇమేజ్‌నే దృష్టిలో పెట్టుకుని కథలు తయారు చేస్తుండటంతో తక్కువలో తక్కువ ఒక్క సీన్లోనైనా అలాంటి సీన్లు చేయక తప్పడం లేదతడికి.

అయితే తనపై ఉన్న కిస్సర్ ఇమేజ్ నుంచి బయట పడటానికి...ఎక్కువగా కుటుంబ కథా చిత్రాలను ఎంచుకోవడానికి ప్రయత్నిస్తున్నాడు ఇమ్రాన్. ప్రస్తుతం అతను 'ఘన్ చక్కర్' అనే చిత్రంలో నటిస్తున్నాడు. రాజ్ కుమార్ గుప్తా దర్శకత్వం వహిస్తున్న ఈచిత్రంలో ఇమ్రాన్ సరసన విద్యా బాలన్ నటిస్తోంది.

ఈ చిత్రం షూటింగ్ పూర్తయిన సందర్భంగా ఏర్పాటు చేసిన విలేకరుల సమావేశంలో ఇమ్రాన్ మాట్లాడుతూ....'ఘన్ చక్కర్' చిత్రం మంచి ప్యామిలీ ఎటర్ టైనర్. భవిష్యత్ లో తాను ఎంచుకునే సినిమాలన్నీ ఇలాంటివే ఉంటాయి. కుటుంబ కథా చిత్రాలపైనే ఎక్కువ దృష్టి పెడుతున్నాను అని చెప్పుకొచ్చారు. మరి సీరియల్ కిస్సర్ ఇమేజ్ తొలగించుకోవడానికి ఫ్యామిలీ చిత్రాల బాట పడుతున్న ఇతగాడిని ఫ్యామిలీ ప్రేక్షకులు ఆదరిస్తారో? లేదో?

ఈ చిత్రంలో ఇమ్రాన్ మాజీ మోసగాడిగా నటిస్తున్నాడు. విద్యా బాలన్ పంజాబీ హౌస్ వైఫ్ పాత్ర చేస్తోంది. ఈ చిత్రం డిఫరెంట్ టైపు కామెడీతో, ఫన్నీగా సాగుతుందని ఇమ్రాన్ హస్మి చెబుతున్నారు. గతంలో విద్యా బాలన్, ఇమ్రాన్ డర్టీ పిక్చర్ లో కలిసి నటించిన సంగతి తెలిసిందే. ఈ నేపథ్యంలో ఈ ఇద్దరి మధ్య మంచి కెమెస్ట్రీ వర్కౌట్ అయిందని అంటున్నారు.

Comments

English summary

Mumbai, Emraan Hashmi is consciously choosing films that will help him overcome his serial kisser image and the actor says that he won't mind being part of a family film. Hashmi, who had surprised everyone with his performance of a small town journalist in 'Shanghai' last year, has 'Ghanchakkar' and 'Ek Thi Daayan' in his kitty this year.

Story first published: Tuesday, January 22, 2013, 13:44 [IST]

Other articles published on Jan 22, 2013