Don't Miss!
- Sports చరిత్ర సృష్టించిన ధోనీ.. ఒకే ఒక్కడు
- News కాంగ్రెస్ సర్కారును టచ్ చేస్తే..: బీజేపీ, బీఆర్ఎస్లకు సీఎం రేవంత్ హెచ్చరిక
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
బాహుబలి మొదటి అడుగుకి ఏడేళ్లు.. విజయం అప్పుడే మొదలైంది
ఇండియన్ సినిమా హిస్టరిలో మునుపెన్నడు లేని విధంగా బాక్సాఫీస్ రికార్డులను బద్దలు కొట్టిన చిత్రం బాహుబలి. ఒక తెలుగు సినిమా ప్రపంచ సినీ లోకం ఇటు వైపు చూసేలా చేసింది అంటే అది మాములు విషయం కాదు. ఇక ఆ సినిమా షూటింగ్ కి మొదటి అడుగు పడి నేటికి ఏడేళ్లవుతోంది. ఈ సందర్భంగా చిత్ర యూనిట్ ఆనాటి జ్ఞాపకాలను గుర్తు చేసుకుంటోంది.
2013 జులై 6న బాహుబలి షూటింగ్ మొదలైంది. కర్నూల్ లోని ఫేమస్ రాక్ గార్డెన్ లో మొదలైన ఆ క్షణాలను చిత్ర యూనిట్ ఇప్పటికి మరచిపోలేదు. ఆభిమానులు కూడా ఆ ఫొటోలు చూసి అప్పట్లో ఆశ్చర్యానికి గురయ్యారు. ఎందుకంటే షూటింగ్ చూడటానికి ఆ ప్రదేశానికి పరిసర ప్రాంతాల నుంచి వేల సంఖ్యలో అభిమానులు వచ్చారు.
జనాల మధ్యలోనే దర్శకుడు రాజమౌళి షూటింగ్ ని స్టార్ట్ చేశాడు. ప్రభాస్ ని డైరెక్ట్ గా చూసిన అభిమానులు ఎంతగానో ఆనందించారు. ప్రభాస్ కూడా జనాలను కాసేపు అలానే చూస్తూ అభివాదాలు తెలియజేశాడు. ఇక బాహుబలి మొదటి పార్ట్ 2015 జులై 15న విడుదలైన విషయం తెలిసిందే. ప్రభాస్, రానా, అనుష్క, తమన్నా కీలక పాత్రల్లో నటించిన ఈ బిగ్ బడ్జెట్ సినిమాను ఆర్కా మీడియా వర్క్స్ నిర్మించింది.