సెక్సువల్ వేధింపులు సగం ఇళ్లలో ఉన్నాయి: రాధికా ఆప్టే

ఒక హీరో డైరెక్టుగా కోరిక తీర్చమని అడిగాడు

నెమ్మదిగా ఆ గొడవ కాస్త చల్ల బడింది. గతంలో రక్త చరిత్ర, కబాలి, లెజండ్ చిత్రాల హీరోయిన్ రాధికా ఆప్టే కూడా తెలుగు చిత్ర సీమలో హీరోయిన్లని హీనంగా చూస్తారని, ఒక హీరో తనని డైరెక్టుగా కోరిక తీర్చమని అడిగాడని ఆమె ఆరోపించిన విషయం గుర్తుండే ఉండి ఉంటుంది.

సెక్సువల్ హెరాస్మెంట్స్

అదేంటో గానీ ఉన్నట్టుండీ రాధికా మళ్ళీ ఈ క్యాస్టింగ్ కౌచ్ వ్యవహారాన్ని మళ్ళీ తెరమీదకు తెచ్చే ప్రయత్నం చేసింది. ప్రస్తుతం జరుగుతున్న డిస్కషన్స్‌ను పరిశీలస్తే.. సెక్సువల్ హెరాస్మెంట్స్ అన్నీ గ్లామర్ వరల్డ్‌కే పరిమితం అని అంతా అనుకుంటున్నారని.. కానీ అనేక ప్రాంతాల్లో ఈ తరహా వేధింపులు ఉన్నాయని అంటోంది లెజెండ్ బ్యూటీ.

ఇళ్లలో కూడా లైంగి వేధింపులు

'సగానికి సగం ఇళ్లలో కూడా లైంగి వేధింపులు ఉంటున్నాయి. కేవలం సినిమా రంగంలోనే అనుకోవడం సరికాదు. పిల్లలపై వేధింపులు.. గృహ హింస అనేవి ప్రపంచవ్యాప్తంగానే కాదు.. ఇండియాలో కూడా ఉన్నాయి. ప్రతీ రంగంలోను.. ఆఖరికి ఇంట్లోనే ఉండే వ్యక్తులు కూడా ఈ వేధింపులకు గురి కావాల్సి వస్తోంది.

మహిళలు మాత్రమే కాదు

ఎంతో కొంత వేధింపులను సగానికి సగం మంది వ్యక్తులు ఫేస్ చేయాల్సి వస్తోంది. వీటిని అరికట్టేందుకు కృషి చేయాలి. మహిళలు మాత్రమే కాదు.. పురుషులు కూడా వీటి బారిన పడాల్సి వస్తోంది' అంటోంది రాధికా ఆప్టే. 'మనకు మనమే నో చెప్పడం ద్వారా వీటి నుంచి బయటపడచ్చని అనుకుంటున్నాను.

ఎంత పెద్దదైనా సరే

మన లక్ష్యం ఎంత పెద్దదైనా సరే.. ఇలా నో చెప్పడం ద్వారా వాటిని అందుకోవడం కష్టం అవుతుందని భావించినా.. చెప్పాల్సిందే. మన సొంత ట్యాలెంట్ నే నమ్ముకోవాలి. ఒకరు చెబితే ఎవరూ వినకపోవచ్చు. కానీ 10 మంది చెప్పినపుడు అందరూ వింటారు కదా' అంటూ తన అభిప్రాయాన్ని రాధికా అప్టే నిక్కచ్చిగా చెప్పేసింది.