నాగ్ కోరికను నయనతార క్యాష్ చేసుకుంటుందా?

By Bojja Kumar

Published: Friday, January 27, 2012, 18:35 [IST]

నాగార్జున కోరికను నయనతార క్యాష్ చేసుకోవాలని చూస్తోందంటూ ఫిల్మ్ నగర్లో గాసిప్ప్ వినిపిస్తున్నాయి. శ్రీరామ రాజ్యం సినిమా తర్వాత నయనతార నటనకు దూరంగా ఉండాలని నిర్ణయించుకున్న సంగతి తెలిసిందే. ఆ సినిమా ద్వారా మంచి పేరు తెచ్చుకున్న నయనతారను ఎలాగైనా తన సినిమాలో బుక్ చేసుకోవాలనుకున్న నాగార్జున ఈ మేరకు దర్శక, నిర్మాతలతో సంప్రదింపుల వ్యవహారం నడిపించి సక్సెస్ అయ్యారు. ఎట్టకేలకు నయనతార నాగార్జునతో నటించేందుకు ఒప్పుకున్నట్లు ఇటీవల వార్తలు వినిపించాయి. అయితే ఈ సినిమాలో నటిచేందుకు నయనతార రెండు కోట్ల వరకు డిమాండ్ చేస్తోందట. నాగార్జున తననే హీరోయిన్‌‍గా నటింప చేయాలని బలంగా నిర్ణయించుకోవడంతో...ఈ విషయం పసిగట్టిన నయనతార రేటు విషక్ష్ంలో ఏమాత్రం కిందకు దిగడం లేదని, నిర్మాతలు రూ. కోటి నుంచి కోటిన్నర మధ్యలో ఇవ్వడానికి సిద్ధంగా ఉన్నట్లు సమాచారం.

సంతోషం, మిస్టర్ పర్ ఫెక్ట్ చిత్రాల దర్శకడు దశరథ్ నాగార్జున-నయనతార జంటగా సినిమా ప్లాన్ చేశారు. ప్రముఖ నిర్మాత శివప్రసాద్ రెడ్డి కామాక్షి మూవీస్ బ్యానర్ పై ఈ చిత్రాన్ని నిర్మించ బోతున్నట్లు చర్చించుకుంటున్నారు. ఏప్రిల్ లో ఈ చిత్రం ప్రారంభం అయ్యే అవకాశాలు కనిపిస్తున్నాయి. దీనిపై ఇంకా అధికారిక సమాచారం వెలువడాల్సి ఉంది. ప్రస్తుతం నాగార్జున ఢమరుకం చిత్రంలో నటిస్తున్నాడు. సోషియో ఫాంటసీగా రూపొందుతున్న ఈ చిత్రం తర్వలో విడుదల కానుంది. మరో వైపు నాగార్జున షిరిడి సాయిగా నటిస్తున్న చిత్రం షూటింగ్ ప్రారంభం అయింది.

More from Filmibeat