పెళ్ళి పీటలు ఎక్కనున్న షకీలా

By Staff

Published: Sunday, March 8, 2026, 3:54 [IST]

మళయాళ శృంగార చిత్రాలతో తనకంటూ ప్రత్యేక గుర్తింపు తెచ్చుకుని ఒకానొక టైమ్ లో పెద్ద హీరోలకే పోటీ ఇచ్చిన తార షకీలా. ఆమె మొత్తానికి పెళ్ళి పీటలు ఎక్కబోతోంది. అంతటా అభిమానులును సంపాదించుకున్న ఆమె మెడలో ఒ అభిమాని తాళి కట్టబోతున్నాడని తెలుస్తోంది. అలాగే ఆమె ఇక్కడ తెలుగులోనూ అభిమానులను సందించుకుంది. తేజా 'జయం' చిత్రంలో ఫిజికల్ ఎడ్యుకేషన్ టీచర్ గా నవ్వులు పంచిన ఆమె తర్వాత చాలా సినిమాల్లో ఆ తరహా పాత్రల్లో తెలుగు,తమిళ భాషల్లో కనిపించింది. రవితేజ 'దొంగోడు' సినిమాలో తణికెళ్ళ ఉంపుడగత్తెగా కంటిన్యూగా నవ్వులు పంచింది.

నవ్వించినా ఆమెలో అంతర్గతంగా శృంగారాన్ని అతికించేవారు మన కథకులు,దర్శకులు. కుటుంబం పోషణ కోసం శృంగార తారగా కెరీర్ ప్రారంభించిన ఆమె తర్వాత దాదాపు 250 సినిమాలకు అదే తరహాలో చేసింది. అవి నాలుగైదు భాషల్లోకి డబ్బింగై నిర్మాతలకు లాభాలు తెచ్చిపెట్టాయి. అలా మళయాళ చిత్రం సీమలో ఓ ట్రెండు సెట్టర్ అయిన ఆమె ఇప్పటికీ చిన్నా చితకా వేషాలు వేస్తోంది. కానీ పెళ్ళి చేసుకుని సినిమాలకు దూరమవ్వాలని యోచిస్తోందిట. త్వరలోనే వివాహ తేదీని ఆమె కుటుంబ సభ్యులు ప్రకటిస్తారట.

More from Filmibeat