»   » రైల్వే స్టేషన్లో ఆస్తులు ధ్వంసం: షారుక్ ఖాన్ మీద కేసు నమోదు!

రైల్వే స్టేషన్లో ఆస్తులు ధ్వంసం: షారుక్ ఖాన్ మీద కేసు నమోదు!

Posted By:
Subscribe to Filmibeat Telugu

కోటా : బాలీవుడ్ బాద్ షా షారుక్ ఖాన్ మీద రాజస్థాన్ లో కేసు నమోదైంది. రాజస్థాన్ లోని కోటా రైల్వే స్టేషన్లో ఆస్తులు ధ్వంసం అయిన ఇష్యూలో రైల్వే పోలీసులు ఈ కేసు నమోదు చేసారు. షారుక్ స్వయంగా ఆస్తుల ధ్వంసానికి పాల్పడక పోయినా.... ఆయన వల్లే ఇదంతా జరిగింది అనేది ప్రధాన ఆరోపణ.

షారుక్ ఖాన్ తన తాజా చిత్రం 'రాయీస్' ప్రమోషన్లో భాగంగా ఆ మధ్య రైల్ యాత్ర నిర్వహించారు. ఇందులో భాగంగా రాజస్థాన్ లోని కోటా రైల్వే స్టేషన్ కు చేరుకున్న ఆయన్ను చూసేందుకు చాలా మంది అభిమానులు తరలివచ్చారు. ఈ క్రమంలో అక్కడ వ్యాపారం చేసుకుంటున్న వర్తకుల ఆస్తులు ధ్వంసం కావడంతో పాటు పలువురు గాయపడ్డారు.

Shahrukh Khan booked for rioting, damaging railway property in Kota

జనవరి 23న క్రాంతి రాజ్ ధాని ఎక్స్ ప్రెస్ లో షారుక్ ఖాన్ కోటా రైల్వేస్టేషన్ కు వచ్చారని, బోగి వద్ద ఆగిన ఆయన్ను చూసేందుకు భారీగా అభిమానులు తరలి వచ్చారని, అభిమానుల్లోకి షారుక్ ఏదో విసరడంతో దాన్ని తీసుకోవడానికి వారు ఎగబడ్డారని, దీంతో స్టేషన్లో విధ్వంసం ఏర్పడిందని, తనకు కూడా తీవ్రమైన గాయాలయ్యాయని, విక్రమ్ సింగ్ అనే వ్యాపారి ఆరోపించారు.

విక్రమ్ సింగ్ ఫిర్యాదు మేరకు షారుక్ మీద కేసు పెట్టాలని రైల్వే కోర్టు సూచించడంతో జీఆర్పీ సిబ్బంది కేసు నమోదు చేసారు. అతడిపై ఐపీసీ 427, 120(బి), 147, 149 సెక్షన్లతో పాటు, రైల్వే చట్టంలోని 145, 146, 3 సెక్షన్ల కింద కేసులు నమోదు చేసారు.

English summary
"rioting" and "damaging" railway property during the promotion of his film Raees at Kota Railway station, a Government Railway Police official said today. The case was registered against the actor last night by the GRP on the direction of a railway court, which heard a plea of a vendor at Kota railway station.
Please Wait while comments are loading...
 

తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu