ఇన్ఫోసిస్ మూర్తి ఏ హీరో అభిమానో తెలుసా?

కన్నడిగుడు అయిన నారాయణ మూర్తి ప్రముఖ కన్నడ దర్శకుడు బి రామకృష్ణయ్య పంతులు దర్శకత్వంలో వచ్చిన ‘స్కూల్ మాస్టర్' చిత్రాన్ని తొలిసారిగా చూసారట. ఈ విషయాన్ని స్వయంగా నారాయణ మూర్తి వెల్లడించారు.

ఇంటర్వ్యూలో నారాయణ మూర్తి ఇతర విషయాల గురించి చెబుతూ ‘మా నాన్న స్కూల్ టీచర్. మేము ఐదుగురు సంతానం. మా తల్లిదండ్రులకు నా చిన్నతనంలో సినిమాలు చూసే వారు కానీ, మమ్మల్ని తీసుకెళ్లేవారు కాదు. కానీ నేను తొలిసారిగా 1958లో స్కూల్ మాస్టర్ అనే సినిమా చూసాను' అని వెల్లడించారు.

‘2003 సంవత్సరంలో అమితాబ్ బచ్చన్ నటించిన బాఘ్ బన్ చిత్రం కూడా స్కూల్ మాస్టర్ చిత్రంతో పోలిక ఉంటుంది. ఈ రెండింటిలో స్కూల్ మాస్టర్ చిత్రమే చాలా ఇంపాక్టబుల్ గా ఉంటుంది. ఈ చిత్రం కథాంశం, టీచర్ చేసే త్యాగాలు నాకెంతో నచ్చాయి' అని నారాయణమూర్తి తెలిపారు.

తనకు హిందీ చిత్రాలపై ఆసక్తి పెరగడానికి కారనం తన భార్య సుధా మూర్తే కారణమని అంటున్నారు నారాయణ మూర్తి. రొమాంటిక్ చిత్రాలకంటే కామెడీ చిత్రాలనే తాను ఎక్కువ ఇష్టపడతాను అని చెప్పుకొచ్చారు నారాయణ మూర్తి

కన్నడ హీరో ఉపేంద్ర సినిమాలు అంటే ఎంతో ఇష్టమని చెబుతున్నారు నారాయణ మూర్తి. పలు సందర్భాల్లో ఉపేంద్ర చేసిన సినిమాలు చూసి పోన్ చేసి మరి అభినందనలు తెలిపారట.