Don't Miss!
- Sports PBKS vs MI: చరిత్ర సృష్టించిన రోహిత్ శర్మ!
- News ఏపీ సచివాలయ ఉద్యోగుల సంఘం అధ్యక్షుడు వెంకట్రామిరెడ్డిపై సస్పెన్షన్ వేటు
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
ఆశ్చర్యపరిచే ‘శకుని’నైజాం 3డేస్ కలెక్షన్స్
నైజాంలో 'శకుని'142 థియేటర్లలో ఈ సినిమాను విడుదల చేస్తే... మూడో రోజుకి 2 కోట్ల 60 లక్షలు వసూలు చేసిందని నైజాం పంపిణీదారుడు వాసు తెలిపారు. మొన్న శుక్రవారం విడుదలైన కార్తీ 'శకుని'చిత్రం సక్సెస్ మీట్ సోమవారం సాయింత్రం జరిగింది. ఈ సందర్భంగా నిర్మాత బెల్లంకొండ సురేష్ మాట్లాడుతూ -'''శకుని'తో కార్తీ పూర్తిస్థాయి తెలుగు హీరో అయిపోయారు. మహేష్బాబుకు 'బిజినెస్మేన్' ఎలాగో.. కార్తీకి 'శకుని' అలాగ. కార్తీ ఒన్మేన్ షో వల్లే ఈ సినిమా ఇంత హిట్ అయ్యింది'' అన్నారు.
కార్తి మాట్లాడుతూ ''రాజకీయాలు ఈ కథలో ప్రధానం. అయితే ఎక్కడా విసుగు రాకుండా వినోదం మేళవించి చెప్పాం. అందుకే ఈ సినిమా ప్రేక్షకులకు చేరువైంది. చిత్రాన్ని రూపొంది స్తున్నప్పుడు సీరియస్ సబ్జెక్ట్ అనుకున్నారు. కానీ పూర్తి ఎంటర్టైన్మెంట్తో తీయాలనుకుని సక్సెస్ అయ్యాం. కోట శ్రీనివాసరావు, నాజర్, రాధిక, ప్రకాష్రాజ్లాంటి హేమాహేమీలతో కలిసి నటించడం వల్ల కొత్త విషయాలెన్నో తెలుసుకోగలిగాను''అన్నారు.
''బావ తరవాత ఈ సినిమాతో తెలుగు ప్రేక్షకుల్ని పలకరించడం ఆనందంగా ఉంది''అని హీరోయిన్ ప్రణీత చెప్పింది. కోటశ్రీనివాసరావు మాట్లాడుతూ..శివకుమార్ కుమారుడు కార్తి తన రక్తంలోనే నటనను పుణికిపుచ్చుకున్నాడనీ, ఒన్మాన్ షోగా చిత్రాన్ని రక్తికట్టించాడనీ అన్నారు. ప్రకాష్రాజ్, నాపాత్ర సెకండాఫ్లో రావడంతో చిత్రానికి ఊపు వచ్చిందన్నారు.
చిత్ర సమర్పకుడు కె.ఇ.జ్ఞానవేల్ మాట్లాడుతూ.. ''కార్తీతో తమిళంలో 'చిరుతై' చిత్రం నిర్మించాను. ఆ సినిమా చాలా పెద్ద హిట్. ఆ సినిమా వసూళ్లని మూడో రోజే అధిగమించిందీ సినిమా'' అన్నారు. ఈ కార్యక్రమంలో కె.ఇ.జ్ఞానవేల్రాజా, కోట శ్రీనివాసరావు, సాహితి, బి.వి.ఎస్.ఎన్.ప్రసాద్, వాసు తదితరులు పాల్గొన్నారు.