వెనక్కు తగ్గిన శర్వానంద్.. 'ఆడవాళ్లు మీకు జోహార్లు' వాయిదా.. రిలీజ్ ఎప్పుడంటే?

వరుస ఫ్లాపులు

శర్వానంద్ ఆర్ఎక్స్ 100 దర్శకుడు అజయ్ భూపతి దర్శకత్వంలో మహాసముద్రం అనే సినిమాతో ప్రేక్షకుల ముందుకు వచ్చిన సంగతి తెలిసిందే. ఆ సినిమా అంచనాలను అందుకోలేకపోయింది. అయితే ఆ సినిమా ప్రకటించేటప్పటికే ఆయన మరో రెండు సినిమాలు లైన్ లో పెట్టారు. అందులో ఒక సినిమా ఆడవాళ్లు మీకు జోహార్లు. కానీ ఆ తర్వాత ప్రకటించి తెరకెక్కిన మహా సముద్రం ప్రేక్షకుల ముందుకు వచ్చింది.

సీనియర్ నటీమణులు

కిషోర్ తిరుమల దర్శకత్వంలో తెరకెక్కిన 'ఆడవాళ్లు మీకు జోహార్లు'లో రష్మిక హీరోయిన్‌గా నటిస్తోంది. ఈ సినిమాలో వీరే కాక పెద్ద ఎత్తున నటీనటులను కూడా నటింప చేశారు. ఈ సినిమాలో సీనియర్ నటీమణులు రాధికా శరత్‌కుమార్, ఖుష్బూ మరియు ఊర్వశి కీలక పాత్రలు పోషిస్తున్నారు.

ఫ్లాప్ గా నిలవడంతో

ఇక ఈ సినిమాను సుధాకర్ చెరుకూరి శ్రీ లక్ష్మీ వెంకటేశ్వర సినిమాస్ బ్యానర్‌పై నిర్మించారు. వరుసగా రెండు సినిమాలు ఫ్లాప్ గా నిలవడంతో ఈ సినిమా మీద కూడా శర్వానంద్ చాలా ఆశలు పెట్టుకున్నాడు. పూర్తి ఫ్యామిలీ డ్రామాగా రూపొందుతున్న ఈ సినిమా కచ్చితంగా హిట్ అవుతుందని శర్వానంద్ నమ్మకం పెట్టుకున్నారు.

సినిమా వాయిదా

అయితే ఫిబ్రవరి 25న ఈ సినిమాను థియేటర్లలో రిలీజ్ చేస్తున్నట్టు మేకర్స్ ప్రకటించారు. అంతేకాక సినిమా ప్రమోషన్స్ కూడా మొదలుపెట్టారు. కానీ కొన్ని రోజుల తర్వాత భీమ్లా నాయక్ థియేటర్లలోకి రానున్నట్టు ప్రకటించారు. ఈ దెబ్బతో ముందు నుంచే ఈ సినిమా వాయిదా వేయడానికి నిర్ణయించుకున్నారు మేకర్స్.

మార్చి 4న రిలీజ్

ఈ సినిమాను మరో వారం పాటు వాయిదా వేసి మార్చి 4న గ్రాండ్‌గా రిలీజ్ చేయనున్నామని మేకర్స్ ప్రకటించారు. ఈ సినిమాకు సంబందించిన అన్ని సెన్సారు కార్య‌క్ర‌మాలు ఇప్పటికే పూర్త‌య్యాయి. సెన్సార్ టీమ్ ఈ సినిమాకు క్లీన్ యు స‌ర్టిఫికేట్ ఇచ్చింది. ఇక ఈ సినిమా నుండి రిలీజ్ చేసిన అన్ని ప్ర‌మోష‌న‌ల్ కంటెంట్‌కు విశేష స్పంద‌న‌ ల‌భించింది. ఇప్ప‌టికే విడుద‌ల చేసిన సినిమా టైటిల్‌ ట్రాక్ , అలాగే వేలంటైన్స్ డే కానుక‌గా రిలీజ్ చేసిన ఓ ఆధ్య పాట‌కు అద్భుతమైన స్పందన వచ్చింది. రాక్‌ స్టార్ దేవి శ్రీ ప్రసాద్ సంగీతం కూడా సినిమాకు బాగా ప్లస్ అయింది. మరో పక్క అదే రోజు విడుదలకు సిద్ధంగా ఉన్న వరుణ్ తేజ్ 'గని', కిరణ్ అబ్బవరం 'సెబాస్టియన్'