జయప్రద 'కోరిక' తీర్చుకుంది

By Staff

Published: Thursday, January 29, 2009, 15:36 [IST]

ఒకప్పుడు అందాలరాశి, సత్యజిత్ రే అంతటి డైరక్టర్ చే పొగడ్తలు అందుకున్న నటీమణి జయప్రధ తాజాగా ఓ చిత్రం కమిటయ్యింది. ది డిజైర్‌' (కోరిక)అనే పేరుతో రూపొందించబడే ఆ చిత్రాన్ని సి.9 మోహన్‌ పిక్చర్స్ మరియు ఇండిష్‌ క్రియేషన్స్ అనే సంస్థలు సంయుక్తంగా నిర్మిస్తున్నారు. ఇది ఓ ఇండో చైనీస్‌ చిత్రం. ఈ చిత్రంలో జయప్రదతో పాటు శిల్పా శెట్టి కూడా మరో ముఖ్య పాత్రలో కనపడనుంది. కథ మొత్తం ఒడిస్సీ డాన్స్ నేపధ్యంలో నడుస్తుంది.

ఈ చిత్రం కోసం ప్రముఖ ఒడిస్సీ నృత్య శిక్షకుడు మహాపాత్రో ఈ సుందరీమణులిద్దరికీ ట్రైనింగ్ ఇచ్చారు. ఈనెల 14 నుంచి 19 వరకు శిక్షణ క్లాసులు జరిగాయి. ఈ విషయమై జయప్రద మాట్లాడుతూ..నాకు ఒడిస్సీ నృత్యం నేర్చుకోవాలని ఎప్పట్నుంచో కోరిక. ఆ కోరిక' ఇలా నెరవేరుతుండడం చాలా ఆనందంగా ఉంది'' అని తెలిపింది. ఇక ఈ సినిమాకు వీళ్ళనే ఎన్నుకోవటానికి కారణం పూర్వాశ్రమంలో వీళ్ళద్దరూ మంచి నృత్యకారిణులు.

More from Filmibeat