నాగార్జున, శ్రీకాంత్‌లపై సన్నివేశాల చిత్రీకరణ

By Bojja Kumar

Published: Friday, February 24, 2012, 20:24 [IST]

నాగార్జున హీరోగా 'షిరిడి సాయి' చిత్రం రూపొందుతున్న సంగతి తెలిసిందే. నాగార్జున తొలిసారిగా షిరిడి సాయి పోషిస్తున్న ఈచిత్రానికి ప్రముఖ దర్శకుడు కె.రాఘవేంద్రరావు దర్శకత్వం వహిస్తున్నారు. ప్రస్తుతం ఈ చిత్రం షూటింగ్ కర్నాటకలో జరుగుతోంది. ప్రస్తుతం ఇక్కడ నాగార్జున, శ్రీకాంత్ లపై సన్నివేశాలు చిత్రీకరిస్తున్నారు. ఇందులో శ్రీకాంత్ సాయిబాబా భక్తుడైన పోలీసు పాత్రలో నటిస్తున్నాడు. ఇక్కడ షూటింగ్ పూర్తయిన అనంతరం....అన్నపూర్ణ స్టూడియోలో వేసిన మసీదు సెట్ లో షూటింగ్ జరుగనుంది.

నాగార్జున-రాఘవేంద్రరావు కాంబినేషన్లో గతంలో వచ్చి అన్నమయ్య, శ్రీరామ దాసు చిత్రాలు భారీ విజయం సాధించిన నేపథ్యంలో 'షిరిడి సాయి' చిత్రంపైనా మంచి అంచనాలున్నాయి. ఈ చిత్రాన్ని ఎ. మహేశ్వర్ రెడ్డి నిర్మిస్తున్నారు. కీరవాణి సంగీతం అందిస్తున్నారు.

More from Filmibeat